arin JS
Home page Ad

लोक साहित्य परिषदया न्हूम्ह नायः राजित बहादुर श्रेष्ठ

Jheegu Sah – Bijay Ratna ,    २०७९ आश्विन २८, शुक्रबार    वर्गीकृत साहित्य

  संस्थापक व संरक्षक वाङमय शताब्दि पुरुष संस्कृतिविद् डा  जोशीया भिं उसाँय् या कामना 
   
       वाङमय शताब्दि पुरुष अतिकं हनेबहम्ह अति विशिष्ट संस्कृतिविद् डा सत्यमोहन जोशीया संरक्षकत्वय् दुउगु लोक साहित्य परिषदया तःमुन्ज्याँ ज्यासना पुचःया न्हूम्ह नायः कथं राजित बहादुर श्रेष्ठ यात ल्यःगु दु ।
 
तत्कालिन नायः प्रा प्रेमशान्ति श्रेष्ठया सभानायसुइ जुउगु तःमुन्ज्याय् जूगु ल्यःज्या कथं निम्ह न्वकु वीर  सिं महर्जन व लक्ष्मी शोभा शाक्ययात ल्यःगु खः ।
 
अथेहेतुं छ्यान्जे धर्म कृष्ण  श्रेष्ठ ,  लिउ छ्यान्जे किरण केन रंजित, दाँभरीं बासुदेब श्रेष्ठ ,लिउ दाँभरीं मोहनदेबी महर्जन यात ल्यःगु दु । परिषदया ज्यासना पुचःया दुजलय् निर्मला श्रेष्ठ , बिमलप्रभा बज्राचार्य , राजेन्द्र रंजित , शान्तराज शाक्य , देबकी श्रेष्ठ ,  यमुना श्रेष्ठ  यात ल्यःगु दु ।
 
परिषदया तःमुन्ज्याँ तत्कालिन नायः प्रा.प्रेमशान्ती तुलाधरयात संरक्षक क्वछिउगु दु । ल्यःज्या जुइ न्ह्यः या ज्याझ्वलय् काजिमान डंगोल, नारद बज्राचार्य , विमलप्रभा बज्राचार्य पिन्सं नुगःखँ तयादिल ।
 
सत्यमोहन जोशी लोक साहित्य भवन बखुँ बहालय् शुक्रबार जुउगु परिषदया  तःमुन्ज्याय् लोक साहित्य परिषदया संस्थापक व संरक्षक वाङमय शताब्दि पुरुष संस्कृतिविद् डा सत्यमोहन जोशीया भिं उसाँय् या कामना यासे राजेन्द्रमान बज्राचार्य गुरुजुं रत्नसम्भव धारणी स्तोत्र पाठ याना दिल ।
Detail page ad