arin JS
Home page Ad

लोकतान्त्रिक बामगठबन्धनया सकल उम्मेदवार तयेत त्याकेत काठमाडौं ९ या उम्मेदवार कल्पना धमलाया इनाप

Jheegu Sah,    २०७९ मङ्सिर १, बिहिबार    वर्गीकृत राष्ट्रिय

         येेँया २१ वडा स्थित लगंत्वालय् जूगु लोकतान्त्रिक वामगठबन्धन बिशाल सभाय् काठमाडौं क्षेत्र  ९ या प्रदेश सभा सदस्य (क)  उम्मेदवार नानू बास्तोलां थः थ्व   बिजयी  जुल धाःसा  २१ वडाया जनतां थौंकन्हे भोगेयाना च्वनेमाःगु लः या समस्या व लँ या समस्या समाधान यायेगु हे पहिलो प्राथमिकताय् तया प्रदेश बजेटपाखें थ्व समस्या समाधान यायेगु बचं बियादिल ।
 
अथेहेतुं वयकलं  साँस्कृतिक स्वायत्तता व पर्यटन  क्षेत्रयन   बिकासया निंतिं पलाः न्ह्याकेगु प्रतिबद्धता प्वंकादिल  । आः जुइगु निर्वाचनय् प्रतिनिधि सभा  सदस्य उम्मेदवार लोकतान्त्रिक बामगठबन्धन काठमाडौं ९ या कल्पना धमलां काठमाडौं ९ दुने विद्यमान लः व लँया समस्या ज्यंकेत काठमाडौ ९ दुने हे दुउगु लःया स्रोत ज्याख्यले हया समस्या  समाधान याये कथं अध्ययन जुयाच्वंगु दु धका धासे  मेलम्ची लः या विकल्पया रुपय् काठमाडौं ९ दुने दुउगु लः या स्रोत छ्यलेगु जुइ धका धयादिल ।
 
थुग चुनाव त्यात धाःसा भोट बियादीपिं जनतायात छु नं हालतय् निरासा लुइके बिइमखु मखु धका धासे काठमाडौं ९ या जनताया छ्यँ धस्वाकेत काठमाडौंया साँस्कृतिक क्षेत्र बिकास याना पर्यटन व्यवसायया बिकास यायेगु खँ नं  लोकतान्त्रिक वामगठबन्धनया उम्मेदवार पिन्सं खँ न्ह्यने हःगु दु । नापनापं युवा वर्गयात ज्या बिया रोजगार ब्यबस्थापन याये धका धागु दु ।
 
गठबन्धन या प्रतिपक्षपाखें यदि जनताया मेहनत व बलिदानं प्राप्त  जुउगु संविधान या उपलब्धियात खतरा जुल धासा लोकतान्त्रिक बामगठबन्धनं नेपालया संविधानया रक्षा यायेगु ज्या जुइ धका धासे  काठमाडौंया जनतायात लोकतान्त्रिक बामगठबन्धनया सकल उम्मेदवार तयेत अत्याधिक भोट बिया त्याकेत काठमाडौं ९ या प्रतिनिधि सभा उम्मेदवार कल्पना धमलां इनाप यानादिल ।
Detail page ad