arin JS
Home page Ad

लुभु मन्तेश्वरी हाेम न्हापांगु दिक्षान्त समाराेह क्वचाल

Jheegu Sah,    २०७९ जेठ १६, सोमबार    वर्गीकृत पुलुपालु

यलय  लुभुया महालक्ष्मीस्थानय् पलिस्था जूगु लुभु मन्टेश्वरी होमया  न्हापांगु खुसि दिक्षान्त समारोह  क्वचाःगु दु । उगु ज्याझ्वलय् प्रिन्ससिपल दिलकुमारी महर्जनं  लसकुस न्वचुलिसें ज्याझ्वलय् ब्वति कयादिइपिन्त खादा न्ययेका हनेज्यालिसें  युकेजीइ  पास जुयादिइपिं च्याम्ह ब्वनामिपिन्त दसिपौं लः ल्हाना दीगु खः ।
 
ज्याझ्वलय् पाहाँ कथं  लुभु मन्टेश्वरी होमया सल्लाहकार अनन्त  श्रेष्ठ, बाबुशरण महर्जन, रत्न राज्यलक्ष्मी क्याम्पसया नेवाः विद्यार्थी युनियनया नायः रीदेन महर्जन, संगीतकार इन्द्रमान महर्जन, नेवाः सांगितिक क्षेत्रय्  नेवाः रक स्टारया नामं नांदम्ह  ज्याक महर्जन, मचाराजा महर्जन  म्येहालामि  किशना महर्जन, प्रज्ञा श्रेष्ठ व सबिना मानन्धरपिसं  खस व नेपालभाषां म्ये हालादिलसा  युकेजीइ उतीर्ण जुयादिइपिं  ब्वनामिपिपिन्त पाहाँपिसं तक्मा क्वखायेका दिल ।
 
उगु मन्टेश्वरी होमया  शिक्षक ईश्वर राजथलां  न्ह्याकादीगु ज्याझ्वलय् म्येहालामि, संगीतकार, म्यूजिक टिचर तेजवती जोशी पियानोया धुनय् ब्वनामिपिसं म्ये हाला दिल ।
 
हुला प्याखँ स्यनामि सपना महर्जनया निर्देशनय् ब्वनामिपिं न्ह्याइपुइक  प्याखँ हुला सांगितिक प्रस्तुति अले प्रतिभा  न्ह्यब्वयादिगु ज्याझ्वः लुभु मन्टेश्वरी होमया संस्थापक नकिं सुनकेशरी गोपालीं दिक्षित दिइपिं ब्वनामिपिनीगु पःला सुथां लायेमा धकाः सुवाः बिसें ज्याझ्वः क्वचायेका दिल । 
 
 
Detail page ad