ayutahuti
Home page Ad

लिपि गुथिया तःमुँज्यां अनिल स्थापितयात नायः ल्यल

Jheegu Sah – Bijay Ratna ,    २०७९ बैशाख ११, आइतबार    वर्गीकृत समाज

 
नेपाल लिपि गुथिया झिंच्याक्वःगु तःमुँज्यां अनिल स्थापितया नायःसुइ (नेतृत्वय्) न्हय्म्ह दुजः दुगु न्हूगु ज्यासना पुचः सर्वसम्मतं ल्यःगु दु ।
 
तःमुँज्यां ल्यःगु न्हूगु ज्यासना पुचःया दुजलय् पूर्व नायः निरञ्जन ताम्राकार, पवित्र कसाः, कमलतारा तुलाधर, बिक्कि बज्राचार्य, प्रमिला ताम्राकार व अष्टमान महर्जन सर्वसम्मतं ल्यःगु दु ।
 
न्हूम्ह नायः अनिल स्थापितं नेपाल लिपि गुथिं ४२ दँ तक नेपाल लिपि व रञ्जना लिपिया प्रवर्द्धनया ज्या न्ह्याकाः जनमानसय् प्रचार प्रसार व लोकंह्वाकेगु ज्या यानावयाच्वंगु खँ न्ह्यथनादिसें आः नेपाल लिपिया प्राज्ञिक, अनुसन्धानात्मक, प्राविधिकया नापनापं व्यावसायिक गतिविधिया निंतिं नं पलाः न्ह्याकेगु खँ कनादिल ।
 
थुगुसिइ तःमुँज्या ज्याझ्वलय् छ्याञ्जे पवित्र कसाः नं न्ह्यब्वःगु दच्छिया प्रगति प्रतिवेदन व न्वकू अनिल स्थापितं आर्थिक प्रतिवेदन तःमुँज्यां पारित याःगु खः । मुँज्या नायःलिसें पुलांम्ह नायः निरञ्जन ताम्राकारं नेपाःया मौलिक नेपाल लिपि रञ्जना लिपिया नापनापं मेमेगु लिपिया प्रवर्द्धनया निंतिं संस्थागत कुतलं सकलें जायेमाःगु व अझ युवापुस्ता विशेष अग्रसर जुइमाःगु खँ  न्ह्यथना दिल ।
 
नेवाः सूचना केन्द्र
Detail page ad