arin JS
Home page Ad

लामा फेरा भर्सेस रेकि उपचार ध्यान शिविरय् संघीय मामिला मन्त्री श्रेष्ठ

Jheegu Sah – Bijay Ratna ,    २०७९ आश्विन ८, शनिबार    वर्गीकृत पुलुपालु

        हलिमय् ल्वय् अप्वया वलिसे ल्वयेयात त्याकेगु वैकल्पिक उपाय मालेगु ज्या नं अप्वःया वःगु दु ।
 
थ्वहे झ्वलय् लायन्स क्लबया थीथी कवःया ग्वसालय् "लामा फेरा भर्सेस रेकि उपचार पद्धति ध्यान शिविर ” ज्याझ्वः याना थ्व उपचार पद्धतिया थपु यायेगु कुतः याःगु दु ।
 
संघीय मामिला तथा सामान्य प्रशासन मन्त्री माननीय राजेन्द्र प्रसाद श्रेष्ठ मूपाहाँ कथं झायादीगु उगु ज्याझ्वः मूपाहाँ श्रेष्ठं गमलाय् लःबिया उलेज्या यानादीगु थ्व शिविर वंगु विहिबार म्हयपिइ जूउगु खः ।
 
लायन्स क्लबया थीथी कवः मध्ये काठमाण्डौं टेम्पल मां हारति,डिभाइन इनर्जि,काठमाडौं योगाम्बर,टेम्पल रेकि व काठमाडौं ह्याप्पी जाना ग्वसाः ग्वगु खः । 
 
थ्व "लामा फेरा भर्सेस रेकि उपचार पद्धति ध्यान शिविर ” या संयोजन लायन्स क्लब इन्टरनेशनल डिष्ट्रिक्ट ३२५ जोनया कजि व लामा फेरा भर्सेस रेकि उपचार पद्धतिया न्ह्यलुवा गोपाल प्रधानं यानादीगु खः ।
 
ज्याझ्वलय् लायन्स क्लबया थीथी कवःया थीथी पदाथिकारीपिं राजन लम्साल,पार्वति खरेल,सुर्य कुमार के सि ,जीवन महर्जन व सरस्वति श्रेष्ठ लगाएत या उपस्थितिइ दुउगु खःसा ज्याझ्वलय् मूपाहाँ मन्त्री श्रेष्ठ या तिरीमयजु अन्जलि बज्राचार्य श्रेष्ठया नं उपस्थिति दुगु खः । 
 
 
Detail page ad