arin JS
Home page Ad

लहना पाखें संघिय मन्त्री श्रेष्ठ , निवर्तमान मेयर शाक्य लगायत थीथी सन्चारकःमिपिन्त सिरपा देछात

Jheegu Sah – Bijay Ratna ,    २०७९ भाद्र १७, शुक्रबार    वर्गीकृत पुलुपालु

नेपालभाषाया पत्रकारिताख्यःया छगु बाँलागु पत्रिका कथं कयातःगु "लहना” या प्यसःल्याः पुवंगु लसताय् शुक्रबार छगू ज्याझ्वः याना पत्रकारिताख्यः, सन्चारख्यः व भाषा सेवाख्यःया थीथी व्यक्तित्वपिन्त थीथी सिरपा लःल्हागु दु ।

 

थ्वहे झ्वलय् लहना धर्म मोति सिरपा प्रजित शाक्य, विराजकाजी राजोपाध्याय व रत्नकाजी मन , लहना शर्मिष्ठा सुर सम्मान रामकृष्ण खडगी, स्वतन्त्रसंसारं महर्जन व यलु जोशी यात लःल्हात ।

 

अथेहेतुं लहना न्यू जेनिथ फोटो पत्रकारिता सिरपा अनुप शाक्य , गुणराज शाक्य व श्याम कुमार यात अले लहना केशव कृष्णवदन मातृभाषा सिरपा नविन जोशी , नजरराम महर्जन व पुर्णिमा शाक्ययात बिउगु दुसा सिरपा ज्याझ्वलय् दकले तधंगु सिरपा कथं पन्चवीर सिंह सिरपा नेवाः न्ह्यलुवा मल्ल के सुन्दर , संघिय मामिला मन्त्री राजेन्द्र प्रसाद श्रेष्ठ व निवर्तमान मेयर विद्या सुन्दर शाक्ययात देछागु दु । ज्याझ्वलय शरद कुमार डंगोल,प्रकाश अमात्य,अमृतचन्द्र श्रेष्ठ लगायतयार्त लहना विशेष सम्मान लःल्हागु खः ।

नेपालभाषा एकेडेमीया चान्सलर यज्ञरत्न धाख्वाः मूपाहाँ कथं झायादीगु उगु ज्याझ्वलय् लहना या व्यवस्थापक सुरेन्द्र भक्त श्रेष्ठं लसकुस न्वचु तयादीसे लहना पुचलं  आः  लहना टेलिभिजन  नं  चायेकेगु घोषणा याना दिलसा  लहना पत्रिकाया प्रकाशक नृपेन्द्र लाल श्रेष्ठं लहना पत्रिकायो सफलताय् योगदान बियादीपिं सकसित सुभाए देछाना दिल ।

अथेहेतुं व्यवसायी व समाजसेवी सुरबहादुर श्रेष्ठ , मन्त्री राजेन्द्र प्रसाद श्रेष्ठ , बागमति प्रदेश सांसद राजेश शाक्य व नेवाः पत्रकार राष्ट्रिय दबुया केन्द्रिय नायः सुरजबीर बज्राचार्य लगायतं नुगःखँ तयादिल । अथेहेतुं लोककवि राजभाइ जकःमिं चिनाखं न्यंकुगु उगु ज्याझ्वलय् सुरजबीर बज्राचार्यं,रोजी डंगोल श्रेष्ठ , एन्जेला श्रेष्ठ , सबिना मानन्धर लगायतया कलाकार पिन्सं म्ये हाला न्यंकादीगु खः ।

Detail page ad