arin JS
Home page Ad

रेडियो झीगु सःया सच्छिन्हु पूवन

Jheegu Sah – Bijay ,    २०७८ श्रावण ८, शुक्रबार    वर्गीकृत मनोरञ्जन

 
रेडियो नेशन १०३.९ मेगाहर्य्ज न्ह्याना वया च्वंगु नेवाः ज्याझ्वः रेडियो झीगु सः १०० न्हू पुवंगु लसता हने कथं बिहिवार छगू ज्याझ्वः याःगु दु । 
 
झीगु सः पुचःया  ग्वसालय् टिभि ज्याझ्वः कथं नाइस टेलिभिजनय् झीगु सः , अनलाइनन्युज कथं झीगुसःडटकम व रेडियो ज्याझ्वः कथं रेडियो झीगु सः  न्ह्याका वया च्वंगु दु । नेवाः सन्चार अभियान कथं थीथी सन्चार माध्यमय् नेवाः भाय्या ज्याझ्वः न्ह्याका वया च्वंगु झीगु सः पुचःया रेडियो झीगु सः ज्याझ्वः वि सं २०७८ सालया बैशाख १ गतेनिसें न्हयाःगु खःसा श्रावणया ७गते सच्छिन्हू पूवंगु खः । 
 
सच्छिन्हू पूवंगु   लसता कथं जुउगु  ज्याझ्वलय्  झीगुसः पुचःया कजि विजयरत्न असंबरें नीन्यादँ न्ह्यः वि सं २०५३ साल भदौ १ गते रेडियो नेपालया १०० मेगाहर्जय् गुडनाइट एफएमय् थःपिनिगु कुतलय् न्ह्याकुगु नेपालभाषा ज्याझ्वःया पलाः यात लुमंकादिल । वयकलं रेडियो नेशनय् न्ह्याना च्वंगु रेडियो झीगुसःया पलाः धइगु ज्याझ्वः न्ह्याकामि पिनिगु कुतलं ताःलागु खःसां न्यनामिपिंनिगु हःपाः व विज्ञापनदाता पिनिगु तिबःया लिच्वः खः धका धयादिल ।
 
ज्याझ्वलय् रेडियो नेशन १०३.९ या कजि पुरुषोत्तम बस्नेतं    स्वनिगः धइगु नेवाः तयेगु म्हसिका खः धयादिल । थःगु एफएमय् नेवाः ज्याझ्वः तये दया थःयात लसता जुउगु खँ कनादिसे कन्हे नेपालभाषाया ज्याझ्वःया निंतिं थःम्हं फुउगु ग्वाहालि यायेगु बचं बिया दिल ।
 
न्यंमिंपाखें नुगःखँ तयेगु झ्वलय् जुजुभाइ शाक्यं ज्याझ्वः न्ह्याकामिपिन्सं नेवाः भाय् बाँलाक न्ववाय् माःगु खँ कुलादिल ।
रेडियो झीगु सः यात थीथी कथं ग्वाहालि याना वया च्वंपिन्त सुभाय् देछाये कथं विशिष्ट पाहाँ पुरुषोत्तम सुबेदी पाखें मतिनाया चिं नं लःल्हागु खःसा रेडियो झीगु सः पुचःपाखें नायः राजु राजदेव बज्राचार्यं रेडियो नेशनया पुरुषोत्तम सुबेदी यात खादां न्येका व कजि असंबरें मतिनाया चिंलःल्हाना सुभाय् देछानादीगु खः ।
 
रेडियो नेशन१०३.९ मेगाहर्जय् सुथसिया ९ ताः ईलं निसें १० ताः ईतक न्हिं छघौ  न्ह्यानाच्वंगु रेडियो झीगु सः ज्याझ्वलय् आइतबार संकिपा निर्देशक बाशु शाहीं संकिपा, सोमबार मोडल व साहित्यकार शोभा महर्जन व पवित्रकुमार महर्जनं फोनइन , मङ्गलबार स्वास्थ्यकःमि पुर्णिमा शाक्यं उसाँय् , बुद्ध बार हस्तकलाकःमि सुबिन शाक्य , बिहिवार साहित्यकार सुनिल बज्राचार्यं साहित्य छपा न्हायकं, शुक्रबार पवित्रकुमार महर्जनं संगीत व शनिबार प्रलिशा शाक्य व सुमिक्षा शाक्य जाना सांगितिक ज्याझ्वः न्ह्याका वया च्वंगु दु ।
Detail page ad