arin JS
Home page Ad

राष्ट्रिय समावेशी म्युजिक अवार्ड २०२२ (निम अवार्ड) या सिरपाया धेंधें बल्लाखय् नेवाः म्ये

Jheegu Sah – Bijay Ratna ,    २०७८ चैत्र ८, मंगलबार    वर्गीकृत मनोरञ्जन

राष्ट्रिय समावेशी म्युजिक अवार्ड २०२२ (निम अवार्ड) या सिरपाया धेंधें बल्लाखय् लाःपिन्त दसिपौ लःल्हात

 

नेपाली जुयागुलि गर्व यायेनु, नेपाली कला व संस्कृतिया जगेर्ना यायेनु धइगु आज्जु ज्वनाः नेपाःया न्हापांगु समावेशी म्युजिक अवार्ड राष्ट्रिय समावेशी म्युजिक अवार्ड २०२२ (निम अवार्ड) या सिरपाया धेंधें बल्लाखय् लाःपिन्त छगू ज्याझ्वःया दथुइ मनोनयनया दसिपौ लःल्हागु दु ।

 

गोकर्णेश्वर नगरपालिकाया मेयर सन्तोष चालिसे मूपाहाँ कथं झायादीगु खः । वयकलं थः छम्ह कलानुरागी खः धका धयादिल । थः छम्ह म्येच्वमि खः धयादिसे स्वर सम्राट नारायण गोपालयात छपू म्ये हायकेगु इच्छा पूमवंगु खँ कनादिल ।

 

नांजाम्ह कलाकार,निर्देशक व चलचित्र कलाकार संघया उपाध्यक्ष मोहन निरौलाया सभानायसुइ जुउगु ज्याझ्वलय् ग्वसाखलःया नायः माधवराज खरेलं लसकुस न्वचु तसे  नेपाः देय् धइगु साँगितिक व साँस्कृतिक विविधतां जाःगु देय् जुउगुलिं नेपाः दुनेया थीथी भाय् दुथ्याका समाबेशी म्युजिक अवार्ड न्ह्याकागु खँ न्ह्यथना दिल ।

नेपाःया न्हापांगु समावेशी अवार्डया रुपय् म्हसीका दूगु राष्ट्रिय समावेशी म्युजिक अवार्डया न्याक्वःगु संस्करणया सिरपाःया निंतिं उत्कृष्ट धलखय् लाःपिनिगु मनोनयन धलः सार्वजनिक यागु खःसा पावर इन्टरनेशनल मिडिया नेपालया ग्वसालय् जुयावयाच्वंगु समावेशी म्युजिक अवार्डय् स्वदेशगान, गजल, आधुनिक, पप, लोकपप व लोकदोहारीया नापनापं नेपाःया थीथी भाय कथं काँठे, डेउडा, मैथली, थारु, तामाङ, नेपालभाषा लगायतया भाषाभाषीपिनिगु सहभागी दुउगु खँ पिम नेपालया महासिचव अले अवार्ड ज्याझ्वःया संयोजक कमला जोशीं जानकारी बियादिल ।

शान्ति, भाइचारा व एकताया हसना न्यंकभनं थ्यंकेगु माध्यम धइगु म्ये–संगीत कला जुउगुलिं समावेशी अवार्डपाखें नं नेपाली संस्कृतियात जगेर्ना यायेगु तातुनाः खस नेपालीसहित सकतां भाषाभाषीया कलाकारपिन्त छगू हे मञ्चय् थनेगु ज्या यानाः वयाच्वंगु दु ।

  नेपाःया तजिलजि कल्चरयात थौंकन्हे आपासिनं ल्वःमंका हःगुलिं म्ये–संगीतया माध्यमं थुकियात म्वाकातयेत श्रष्टा सर्जकपिन्त समावेशी म्युजिक अवार्डया माध्यमं हःपाः, तिबः, प्रोत्साहन, सम्मान यानाः वयागु खँ संयोजक जोशीं कनादिल ।

थ्वहे चैत्र २० गते जुइगु समावेशी म्युजिक अवार्डमा देश दुनेया आपालं कलाकारपिनिगु भव्य सहभागिता दइगु खँ अवार्ड आयोजक समितिया निर्देशक राजन थापां कनादिल ।

 

राष्ट्रिय समावेशी म्युजिक अवार्ड २०७८ या मनोनयनय् लाःगु नेपालभाषा विधाय् मनोनयन थथे दु  :

 

उत्कृष्ट नेपालभाषा गायन :

 

१. सज्जु मानन्धर : सुथय् लुमनी

२. रविकुमार महर्जन : फरेम दुनेया तस्बिर

३. तेजवती जोशी : यःमां जितः

४. विजेन्द्र चवाल : जिवनया छुं ई

५. सोनी राजभण्डारी : झीगु मन स्वां

 

उत्कृष्ट नेपालभाषा म्येच्वमि :

 

१. हरिराम ठेंचो : यःमां जितः

२. राजु मानन्धर : सुथय् लुमनी

३. उत्तम मानन्धर : बुलुहुँ बुलुहुँ

४. अनिक शाक्य : जिवनयाः छुं ई

५. पवन जोशी : फरेम दुनेया तस्बिर

 

उत्कृष्ट नेपालभाषा मोडल :

 

१. रुक्साना महर्जन : भुतमाली

२. शुशिल श्रेष्ठ : नुगःघाःया वासः

३. अनु महर्जन : छ व जि छम्ह हे

४. श्रेया कार्की : पन्तिया मकर मेला

५. रोशन शाक्य : राजमती कुमती

 

उत्कृष्ट कल्चरल म्ये

 

१. अमृत खाती : राम साईली (काँठे भाका)

२. सानुबाबु घिसिङ : आध्यू खाङबारी (तामाङ)

३. पुर्णकाजी ज्यापु : त्यः.छिं त्यः (नेपालभाषा)

४. सीता तुम्रुक : हिलिक हिलिक (लिम्बु भाषा)

५. प्रयास तामाङ : फाईफ्रई आलाउ (तामाङ)

६. लक्ष्मी पुरी प्रधान : माया बिरानी (नेपाली)

७. सन्तोष राज : पुनम कें चान्द (मैथली)

 

अथेहे राष्ट्रिय भावया म्येपाखे जितेन शाक्यया ‘जिउ ज्यान प्राण’ नं उत्कृष्टताया मनोनयनय् लानाच्वंगु दु । थ्व म्येया च्वमि अमृतरत्न शाक्य खः ।

 

उत्कृष्ट राष्ट्रिय भावको गीत

१. अमृतरत्न शाक्य ‌: जिउ ज्यान प्राण

२. टेक तामाङ ‌:  नेपाल आमा

३. भुवन चौघरे ‌: छातीमा देश बोक्नेहरु

४. चन्द्र लाल तामाङ ‌:  दल छ देश छैन

५. नारायण कँडेल ‌:  उतै जान पर्छ

Detail page ad