arin JS
Home page Ad

राष्ट्रपतिं लःल्हात प्रेस काउन्सिल सिरपा

Jheegu Sah – meena bajracharya,    २०७९ आश्विन ६, बिहिबार    वर्गीकृत राष्ट्रिय

प्रेस काउन्सिल विधागत पत्रकारिता सिरपा विजयरत्नयात 
 
 प्रेस काउन्सिलं थःगु ५३क्वगु बुसादँया लसताय् पत्रकारिताख्यलय् थीथी कथं योगदान याःपिन्त थीथी सिरपा देछागु दु । सम्माननीय राष्ट्रपति विद्या भण्डारीं विहिबार शितल निवासय् जुउगु छगू ज्याझ्वःया दथुइ थथे सिरपा लःल्हाना दीगु खः ।
 
थ्वहे झ्वलय् विधागत पत्रकारिता सिरपा  झीगु सःडटकम व नेवाअनलाइनन्युजया संरक्षकया लिसें थीथी संचार ख्यलय् आबद्ध विजयरत्न तुलाधरयात नं लःल्हागु खः ।पत्रकार तुलाधरं ताः ई न्ह्यः निसें संकिपा विधाय् च्वसा न्ह्याका वया च्वंम्ह खः ।
 
अथे हे थुगुसिया दकलय् तःधंगु सिरपा कथं प्रेस काउन्सिल गोपालदास पत्रकारिता सिरपा पत्रकार हरिबहादुर थापायात लःल्हागु दु । काउन्सिलं ५३ क्वःगु बुसादँया लसताय् पत्रकारिता क्षेत्रय् योगदान बिउपिं व्यक्ति व संस्थामध्ये थापायात थ्व सिरपा बिउगु खः । सिरपाया राशी १,५१००० तका खः । अथे हे प्रेस काउन्सिल सुरेन्द्रबहादुर बस्नेत पत्रकारिता सिरपा झापाया पत्रकार माधव विद्रोहीयात लः ल्हागु दु । थ्व सिरपा राशि १,१०००० खः ।
 
अथे हे प्रेस काउन्सिल आचारसंहिता सिरपा अन्नपूर्ण दैनिक व वीरगंजया  आवाज एफएमयात लःल्हागु दु । प्रेस काउन्सिल सशक्त लेखन सिरपा सुरेन्द्र काफ्ले, दिलबहादुर छन्त्याल, नवराज छत्कुली व बालकृष्ण अधिकारीयात बिउगु दु । भाषागत पत्रकारिता सिरपा टेकराज थामी,  क्रियाशील पत्रकारिता सिरपा दामोदरप्रसाद दवाडी,  एकराज पाठक, मनोज जोशी, सुरेश धामी, विमल योगी (विनोद), श्यामनाथ कुँवर, भुपराज खड्का, पुस्कर बुढाथोकी, कृष्ण केसी, व नकुल अर्यालयात बिउगु दु ।
 
अथे हे युवा पत्रकारिता सिरपा प्रदीप परियार, रविन्द्र काफ्ले, शम्भु दङ्गाल, हरिबोल आचार्य, जीवन लामा, टपेन्द्र कार्की, दशरथ घिमिरे,  केशर रोका, मकर श्रेष्ठ, खगेन्द्र भण्डारी, डिबी बुढा, राजेन्द्र धामी, महेश केसी व हिमा चेम्जोङयात बिउगु दु । साहित्यिक पत्रकारिता सिरपा मायामितु न्यौपाने, महिला सशक्तीकरण पत्रकारिता सिरपा सञ्चिता घिमिरे, सरिताश्री ज्ञवाली, रमा केसी व शारदा गैरे बिउगु दु ।  समावेशी पत्रकारिता सिरपा अजय गोर्खाली, प्रवीणकुमार शर्मा, हेमबहादुर (कमल) राना व सिराज खानयात बिउगु दु । थुगुसिया प्रेस काउन्सिल विधागत पत्रकारिता सिरपा  विजयरत्न तुलाधर लिसें आनन्द श्रेष्ठ, व जीवन पराजुलीयात लःल्हागु दु ।
 
प्रेस काउन्सिल नेपालं थुगुसिया वर्ष कर्मचारी सिरपा वितरण सम्परीक्षण अधिकृत रहमतुल्ला मिया व मिडिया अनुगमनकर्ता लोकराज भट्टया लःल्हागु दु ।  अथे हे कर्मचारी प्रोत्साहन सिरपा मिडिया अनुगमनकर्ता सम्झना पौडेल व कार्यालय सहयोगी विष्णुप्रसाद न्यौपानेयात लःल्हागु दु । अथेहेतुं  नीदँ सेवा अवधि पूवंकुम्ह हलुका सवारी चालक देवीबहादुर रानायात दीर्घ सेवा पदक देछागु दु । प्रेस काउन्सिल नेपालया अध्यक्ष बालकृष्ण बस्नेतया सभानायसुइ जुउगु बुसादँ ज्याझ्वलय् सुचना संचार तथा प्रविधि मन्त्री ज्ञानेन्द्र बहादुर कार्कीं सुभाए देछाना दिल ।
Detail page ad