पुनःर्निर्माणया निंतिं  छेँया नक्सा हस्तान्तरणया ज्या न्ह्याकेगु ज्या नं जूगु दु

 

येँ महानगरपालिकां म्हिगः बिहीबार छगु ज्याझ्वःया दथुइ  छक्वलं हे  झिंन्यागः शववाहन थीथी संस्थायात लःल्हागु दु ।

क्षत्रपार्टी निःशुल्क चिकित्सालय, नेपाल एपीएफ अस्पताल, वीर अस्पताल, त्रिवि शिक्षण अस्पताल, मनमोहन मेमोरियल अस्पताल, गणेशमान सिंह मेमोरियल अस्पताल, सूर्य विनायक नगरपालिका, गोदावरी नगरपालिका, भक्तपुर क्यान्सर अस्पताल, भद्रपुर नगरपालिकायात थथे शववाहन मेयर विद्यासुन्दर शाक्यया ल्हातं लःल्हायेगु ज्या जुउगु खः ।

येँ महानगरपालिकां १५ शववाहन मध्ये नेपाल एपीएफ र त्रिवि शिक्षण अस्पतालयात धाःसा म्हतिं निगः/निगः शववाहन लःल्हागु खः ।

अथे हे उगु ज्याझ्वलय् येँ महानगरपालिकाया अवधारणाकथं सम्पदामैत्री छेँ दयेकेगु निंतिं लाःवःगु निवेदनकथं येँमपा २३ वडास्थित फल्चासाःया भाजु उत्तम शाहीया छेँ दयेकेत सम्झाैता पत्र हस्ताक्षर व एतिहासिक त्वाः किलागःस्थित छुविननि, व विज्यापुननिया नीच्याखाः छेँ सम्पदामैत्री एकिकृत बस्ति पुनःर्निर्माणया निंतिं उगु छेँया नक्सा हस्तान्तरण यानाः ज्या न्ह्याकेगु ज्या नं जूगु खः ।