arin JS
Home page Ad

यल १६ वडाब्यापि कासाय् संगीतज्ञ मोहनप्रसाद जोशीयात ललितरत्न सम्मान

Jheegu Sah – Bijay Ratna ,    २०७८ कार्तिक २१, आइतबार    वर्गीकृत मनोरञ्जन

ललितपुर महानगरपालिका १६ वडा कलाकार समितिया ग्वसालय् जूगु १६ वडा ब्यापिं म्ये व हुलाप्याखं कासाय् म्येपाखे स्वनिम्हया सक्षमशमा न्हाप सिरपाां त्याकादिलसा हुलाप्याखनय् न्याधःया श्रुयति शाक्यं न्हाप सिरपा त्याकादिल । म्ये कासाय् ल्यू महापालया राधिकाश्रेष्ठं ल्यू व जोमबहाःया यजु शिल्पकारं लियांल्यू सिरपात्याकादिल ।

हुलाप्याखनय् तःजाःफःया विशाखा शाक्यं ल्यू सिरपात्याकादिलसा झतापोलया एन्जेला शाक्यं लियांल्यू सिरपात्याकादीगु खः । कासाय् म्ये व हुलाप्याखं विधाय् न्हापलाःपिन्त म्हतिं नीन्याद्वः, ल्यूलाःपिन्त म्हतिं झिंन्याद्वः, लियांल्यूलाःपिन्त म्हतिं झिद्वःतकानापं ट्रफी, दसिपौ व ट्रेनिङ प्याकेज त्याकादिलसाटे«निङ प्याकेज सिरपाउत्कृष्ट झिम्हेसित नं लःल्हाःगु जुल ।

उत्कृष्ट झिम्हय् लाःपिं म्येपाखे पट्कोया बबिन राजोपाध्याय, चल्खुयासिम्रनशाक्य, न्याखाचुकया शैलेश बज्राचार्य, बुबहालया राजेश बज्राचार्य, नकबहिलया जेनिश ज्योतिशाक्य, गाःबहालया सुनिलबज्र्राचार्य व झतापोलया अमिर शाक्यखःसा हुलाप्याखंपाख ेकुमारीपाटीइ च्वनादीम्हश्रेशाश्रेष्ठ, धौगलया विभूषणा बज्राचार्य, न्याखाचुकया उत्पला बज्राचार्य, धपगालया श्रृया बज्राचार्य, बुबहालया नैरात्मा बज्राचार्य, न्याखाचुकया सुयंका बज्राचार्य व कायगुननिया लक्कीमहर्जन खः। वडाया मचाकलाकारपिन्त हःपाबी कथं कासाय् दुथ्याःपिं  झिनिदँ क्वययापिं कासामिपिन्त“भिंतुना सिरपा”लःल्हाःगु उगु  ज्याझ्वmय् थुगु सिरपा म्येपाखे गुदँ दुम्हबुबहालया रिभनमुनि बज्राचार्य व कुलिम्हया झिदँदुम्ह सजेना महर्जन खःसा हुलाप्याखनय् बुबहालया झिंनिदँ दुम्ह निष्ठा बज्राचार्य, महापालया  झिदँयाश्रीजु श्रेष्ठ व न्याधःया च्यादँदुम्ह स्मृति शाक्यं त्याकादीगु खः ।

कासाय् दकले अप्वः स्वकुमिपिन्सं स्वःगु भिडियो “टप भ्यूज” या सिरपा म्येपाखे चल्खुया सिम्रन शाक्यं त्काकादिलसा हुलाप्याखंपाखे दौबहाःया श्रीजु शाक्यं त्याकादीगु खः । ज्याझ्वलय् संगीत प्रवीण मोहनप्रसाद जोशीयात“ललितरत्न”याउपाधिपाखें छायप्यूसें हंगु खः ।  हनेज्यालिपा थःगु नुगःखँतयादिसें संगीतया विकास व विस्तारय् योगदान यानादीपिन्त हनेगु, थुगु पुस्तायातकलान्ह्यब्वयेत दबू बीगु व न्हूपिं कलाकारपिं मालेगु थें जाःगु थुगु ज्या अतिकं च्वछाय्बहःजू धयादिल । ज्याझ्वःयामूपाहां ललितपुर महानगरपालिकायामेयर चिरिबाबु महर्जनं कलाकारपिनिगु नितिंललितपुर महानगरपालिका १६ वडां याःगु थुगु ज्या महानगर अझतब्याःयानाःयंकेगु खँकनादिल । 

ग्वसाःखलःललितपुर महानगरपालिका वडा १६ अध्यक्षनिर्मलरत्नशाक्यं पुलांगु ऐतिहासिककला, सम्पदाया संरक्षण गुलिमहत्वं जाः, उलि हे महत्वथुगु पुस्तायाकलाकारपिनिगु विकास, व वयकःपिन्तबीमाःगु प्रोत्साहन नं खः धका धयादिल । यलया दरबार क्षेत्रया ऐतिहासि व सांस्कृतिकमहत्वं जाःगु कात्तिदबुलीजूगु थुगु ज्याझ्वलय् लोकं ययेकूपिं कलाकारपिं सुरजवीर बज्राचार्य , भूपेन्द्र बज्राचार्य, नील शाक्य, मोहिद्दिन खान, अमोघवीर बज्राचार्य, अमर चित्रकारं म्ये न्यंकादीगु खःसा कोरियोग्राफर निसिला शाक्यं हुलाप्याखं न्ह्यब्वयादिल । १६ वडाया संचारख्यःयाब्यक्तित्वपि अनुपशाक्य, मञ्जु बज्राचार्य, सलोना बज्राचार्य, प्रलिशा शाक्य, सुरजवीर, अमोघवीरं ज्याझ्वःन्ह्याकादिल । 

 

Detail page ad