यलय् होलिया झ्वलय् कलाकार समितिया कला स्यनेकुथि उलेज्या जुल
Jheegu Sah – Bijay Ratna , २०७८ चैत्र ३, बिहिबार वर्गीकृत मनोरञ्जन
ललितपुर महानगरपालिका १६ वडा कलाकार समितिया ग्वसालय् बिहीबार खुन्हु अशोक पार्टी पाएलेसय् जूगु कलाकार होलि मुनाया नापनापं यल १६ वडा ब्यापि अनलाइन गायन व नृत्य कासाया गायनपाखे टप १५ व नृत्यपाखे टप टेनयात लायेत तालापिन्त स्वलायंक प्रशिक्षण ज्याझ्वः जुउगु खःसा उगु दसिपौ लःल्हायेगु ज्याझ्वःया जुल ।
प्रशिक्षण समापन व थुकथं कासाय् न्ह्यनेलाःपिं कासामिपिन्त दसिपौ लःल्हायेगु नं जुउगु खःसा ज्याझ्वलय् कासामिपिन्त थीथी कला स्यनादीपिं गुरूपिं नील शाक्य,भुपेन्द्र बज्राचार्य,जुगल डंगोल,निशिला शाक्य,, हेमरत्न बज्राचार्य व सुरजबीर बज्राचार्य यात न सुभाय् पौ देछागु खः ।
यल वडा१६ कलाकार समितिया कुतलय् नव कलाकारपिन्त प्रशिक्षण नितिं कला स्यनेकुथि नं चायेकुगु दुसाः उगु कला पाठशालाया नं बिहीबार होलि हना ज्याझ्वःया झ्वलय् हे जूगु दु । ज्याझ्वः १६ वडाया अध्यक्ष निर्मलरत्न शाक्यया मूपाहासुइ व कलाकार समितिया संयोजक सुरजबीर बज्राचार्यया या सभानायसुइ जूगु खःसा ज्याझ्वः सन्चारकःमि अनुप शाक्यं न्ह्याकादीगु खः । ज्याझ्वलय् गुरूपिंपाखें संगीतकार जुगल डंगोल व सल्लाहकारपिनिगु प्रतिनिधित्व यासें संजय शर्मा राजोपाध्यायं नुगःखॅ तयादीगु खः ।
