arin JS
Home page Ad

मोति पत्रकारिता सिरपा व मोति हना लःल्हात

Jheegu Sah – Bijay Ratna ,    २०७९ बैशाख १८, आइतबार    वर्गीकृत समाज

सन्चारकःमि अनुप शाक्ययात मोति पत्रकारिता सिरपा
   
  नेवाः सन्चारकःमि पिनिगु छगू संस्था नेवाः प्रेस दबू नेपाःया ग्वसालय् जुया वया च्वंगु मोति सिरपा लःल्हायेगु व मोति हना पाखें छायपिइगु ज्या थौं आइतबार छगू ज्याझ्वःया दथुइ क्वचाःगु दु । बौद्ध समाजसेवी व नेवाः प्रेस दबूया वरिष्ट सल्लाहकार मोतिलाल शिल्पकारं निस्वनादीगु खः।
 
ग्वसाखलःया कजि नरेन्द्र श्रेष्ठया सभानायसुइ जुउगु उगु ज्याझ्वलय् टेलिभिजन सन्चारकःमि अनुप शाक्ययात मोति पत्रकारिता सिरपा देछागु खः ।
 
वहे ज्याझ्वलय् भाषाख्यलय् थीथी योगदान दुपिं स्वनिगः या स्वंगु शहरया भाषाह्यःमि कथं ख्वपः पाखें त्रिरत्न शाक्य ,यलपाखें प्रेमकृष्ण ताम्रकार व येँ पाखें भरत सायमि यात मोति हना पाखें छायपिउगु खः ।
 
ज्याझ्वलय् भिक्षु कौण्डण्य महास्थविर मूपाहाँ कथं झायादीगु खःसा ज्याझ्वलय् बागमति प्रदेशया सांसद शोभा शाक्य, नेवाः देय् दबूया नायः पवित्र बज्राचार्य,गुथि संस्थानया प्रशासकिय  प्रमूख किरण शाक्य , ललितपुर उद्योग बाणिज्य संघया मूछ्यान्जे रुपक महर्जन विशेष पाहाँ कथं झायादीगु खः ।
 
नेवाः प्रेस दबू नेपाःया ग्वसालय् जुया वया च्वंगु सिरपा व हना क्वछिइ निंतिं भाषाह्यःमि शाक्य सुरेन , मंका खलः यलया नायः ऋषिप्रसाद श्रेष्ठ व सन्चारकःमि व प्रेस दबुया मन्जु बज्राचार्य  निर्णायक कथं च्वनादीगु खः ।
 
 
Detail page ad