arin JS
Home page Ad

मुदिता सेवा गृहयात ग्वाहालि याःपिं सम्मानित

Jheegu Sah – Bijay Ratna Asonbare,    २०७९ श्रावण २९, आइतबार    वर्गीकृत समाज

 
सामाजिक सेवा व स्वास्थ्य सेवाय् ज्या याना वया च्वंगु सामाजिक संस्था मुदिता सेवा गृहया  गुक्वःगु बुन्हि छगू ज्याझ्वः याना हंग दु । मूपाहाँ  महिला बाल विकास तथा जेष्ठ नागरिक मन्त्री उमा रेग्मीं  थ्व संस्था गुदँ क्यंगु लसताय् गुंगः हे सुकुण्दाय् मत च्याका उलेज्या याना दिल । वयकलं थ्व संस्थाया निंतिं  सरकारया पाखें झिगुलख तका अनुदान बिइगु बचं नं बिया दिल । बुन्हि हना ज्याझ्वलय् मुदिता सेवा गृहयात थीथी कथं ग्वाहालि यानादीपिं सकसित मूपाहाँ मन्त्री पाण्डे पाखें सम्मान यागुखः ।
 
ज्याझ्वलय् विशिष्ट पाहाँ महालक्ष्मी नगरपालिकाया मेयर हरि गोविन्द श्रेष्ठं मुदिता सेवा गृहयालागिं  भवन निर्माण यायेत जग्गा मालेगुलिइ ग्वाहालि याये धका धयादिल ।
 
मुदिता सेवा गृह अध्यक्ष राज्यलक्ष्मी बज्राचार्यं  लसकुस न्वचु तयेगु झ्वलय् थगु संस्थाया छेँय् मदुगुलिं आः तक बालं पुला च्वना च्वनागु खँ कनादिल ।
 
ज्याझ्वलय् बागमति प्रदेशया सांसद  माधव पौडेल  , महालक्ष्मी नगरपालिका वडा ७ या वडा अध्यक्ष बाबुराजा महर्जन , वडा १ या वडा अध्यक्ष छ्रिरिङ्ग लामा  , इमाडोल प्रहरि प्रभागया प्रहरी निरीक्षक अरुण भट्टराइ, सेवा गृहया सल्लाहकार मोति शान्ति शाक्य , सल्लाहकार शाक्य सुरेन,पूर्व मन्त्री ,बुद्धिराज बज्राचार्य , ललितपुर उद्योग बाणिज्य संघया  पूर्व अध्यक्ष  तथा सल्लाहकार अजरमान जोशी  लगायतया विशेष उपस्थिति दुउगु खः । बुन्हिया ज्याझ्वलय् म्येच्वमि आनन्द बज्राचार्यं च्वयादीगु मुदिता गानयात म्येहालामिपिं सुशील शाहि, सबिना मानन्धर व अगिना तण्डुकार पिन्सं न्ह्यब्वया दिलसा वयकपिन्सं मेमेगु सांगितिक प्रस्तुति नं न्ह्यबयादीगु खः । 
 
 
Detail page ad