arin JS
Home page Ad

महानगरपालिकां प्यदँ दुने यक्वः ज्यायानागु दावी यात

Jheegu Sah – Bijay Ratna ,    २०७८ मङ्सिर २६, आइतबार    वर्गीकृत राजनीति

नीन्हेक्वःगु महानगर दिवसया जानकारी बिइत न्ह्याकुगु पत्रकार सम्मेलनय् प्यदँया दुने महानगरपालिकां याःगु ज्याया प्रगति विवरण सार्वजनिक याःगु दु ।

 आइतबार जुउगु उगु प्रगति विवरणया बारे येँ महानगरपालिका मेयर विद्यासुन्दर शाक्यं संक्षिप्त कनादीगु खःसा  थुकिया विवरण महानगरया प्रवक्ता एवं १५ वडाया वडानायः ईश्वर मान डंगोलं ब्वना न्यंकादीगु खः ।

  थुगु विवरण विशेष याना महानगरपालिकां गुकथंया ज्या खँत याना धकाः जनतायात जानकारी बिइगु ल्याखं नं विवरण सार्वजनिक याःगु खः ।

उगु पत्रकार सम्मेलनय् पत्रकारपिन्सं थीथी विषयया न्ह्यसः तयादीगु खःसा उकिया लिसः मेयर भाजु शाक्यं बियादीगु खः । येँ महानगरपालिकां थुगुसिइ स्वन्हु तक महानगर दिवस हनीगु जूगु दु । २७ औं महानगर दिवस मंसिर २७ निसें २९ गते तक हनीगु खँया जानकारी बिउगु दु ।

  उगु पत्रकार सम्मेलनय् थीथी वडाया नायोभाजुपिनिगु नं सहभागिता दुउगु खः । येँ महानगरपाकलिकाया मेयर विद्यासुन्दर शाक्यं पार्टी व जनतां चाहे जूसा थः हाकनं महानगरपालिकाया मेयर दोहरे जुइ धका धयादीगुदु।

आइतबाः सुथय् महानगरपालिकां याउगु पत्रकार सम्मेलनय् मेयर शाक्यं पत्रकारपिनिगु न्ह्यसःया लिसः बिइगु झ्वलय् नेकपा एमालेपाखे निर्वाचित मेयर शाक्यं थःत बिउगु जिम्मेवारी पुरा जुगु वा मजुगु स्वया मूल्यांकन पार्टी व जनता याना च्वंगु धका धासे आवश्यक जूसा हाकनं पार्टी न खटे याइगु थासय् थः खटे जुइ धका धयादीगु दु।

महानगरपालिकां बिउगु जिम्मेवारी उपयुक्त व बालाक्क सम्पादन यानागु मूल्यांकनसहित पार्टी न छ्वंगु थासय् हाकन जनताय् अनुमोदनया लागि वनेमाः धका धासे वयकलं थः दोहरे जुइगु वा मजुइगु धइगु खँ पार्टी व जनताया ल्हातिइ दु धका धयादिल ।

Detail page ad