ayutahuti
Home page Ad

मंकाः खलः यलया वइगु शनिबार न्हूगु नेतृत्व ल्यइगु

Jheegu Sah – Bijay Ratna ,    २०७९ आषाढ १३, सोमबार    वर्गीकृत समाज

पीस्वदँ न्हय् पलिस्था जूगु  नेपालभाषा मंकाः खलः यलया झिंस्वक्वःगु तःमूँज्यां वंगु शनिबार क्वचाःगु दुसाः आः न्हुगु नेतृत्व ल्ययेत्यगु दु । उकिया निंतिं वइगु असार १८ गते चुनाव जुइत्यगु दु।

चुनावय् नायः पदया निंतिं नेपालभाषा मंकाः खलः यलया छयाञ्जे हिराकाजी महर्जन व सल्लाहकार शाक्य सुरेनया उम्मेदवारी लाःगु दुसाः झिनिम्हदुज पदया निंतिं राजाराम तण्डुकार, विनोद ताम्रकार, बेखारत्न महर्जन, कुष्ण गोपाल भायो, बाबुराजा महर्जन, उकुलाल महर्जन, राजु ताम्रकार, महेन्द्रलाल महर्जन, राजेन्द्र महर्जन, शैलेन्द्रकुमार शाक्य, प्रेम महर्जन, फरिन्दा महर्जन, रमना महर्जन बज्राचार्य व राजेश बज्राचार्य पिन्सं थःगु उम्मेदवारी बियादीगु दु ।

थ्वहे झ्वलय् नेपालभाषा मंकाः खलः यलया झिंस्क्वःगु तःमून्ज्या वंगु शनिबाः त्यागलय्  मंकाः खलःया हलय् जूगु दु । नेपालभाषा मंकाः खलः यलया नायः ऋषिप्रसाद श्रेष्ठया सभानायसुइ जुउगु उगु तःमून्ज्याया उलेज्या यल महानगरपालिकायया प्रमुख चिरीबाबु महर्जनं यानादीगु खः।

ज्याझ्वलय् यल महानगरपालिकायया प्रमुख चिरीबाबु महर्जनं यल महानगर दुनेया सामुदायिक स्कूलय् स्वंगु तगिंतक नेपालभाषाया पाठ्यक्रम ब्वंकेगु ज्या थ्वहे शैक्षिक सत्रनिसें शुरू जूगु दु धका धयादिल।

ज्याझ्वलय् नेवाः देय् दबुया  न्वकु उमेश स्थापित, नेपालभाषा मंकाः खलः यलया पूलापिं नायः भुवनेश्वर जोशी, डा पुष्पराज राजकर्णिकार, किरण शाक्य, नेपालभाषा मंकाः खलः यलया नायः ऋषिप्रसाद श्रेष्ठ,  मंकाः खलः यलया छयाञ्जे हिराकाजी महर्जन व मंकाः खलः यलया दाभंरी विनोद ताम्रकारं भाषा साहित्यया थपू यायेगु लागि नेपालभाषा मंकाः खलः यलं म्हितावयाच्वंगु भूमिकायात कया खँ तयादीगु खः। मंकाः खलः यलया पूलांम्ह नायःपिं जुलुमलाल चित्रकार, सुरेश प्रधान, मंकाः खलः यलया सल्लाहकारलिसें वडा ल्याः ७ या अध्यक्ष कुल बहादुर महर्जन लगायतया ब्वति दुगु खः। 

Detail page ad