arin JS
Home page Ad

भोट फ्वंवःपिंन्त जनतां नेवाः मुद्दाया पौ लःल्हात

Jheegu Sah – Bijay Ratna ,    २०७९ कार्तिक २९, मंगलबार    वर्गीकृत राष्ट्रिय

         प्रतिनिधि सभा व प्रदेश सभाया चुनावया दिं न्ह्यनेवयाच्वंगु थ्व इलय् भोट फ्वंवःपिं उम्मेदवार तयेगु ल्हातिइ जनतां नेवाः मुद्दा सहितया पौ लःल्हायेगु अभियानयात तच्वयेकुगु दु ।
 
थ्वहे झ्वलय् नेवाः अभियन्ता  गंगाबहादुर नेमकुलं बागमति प्रदेशया लागिं उम्मेदवार जुयादीपिन्त सोमबार झिंस्वंगु( १३ ) बुँदाया नेवाः साझा मुद्दाया पौ लःल्हाना दिल ।
 
ललितपुर क्षेत्र २ या गठबन्धन उम्मेदबार पिन्त भिन्तुना देछासे वयकलं  नेवाःतयेगु साझा मुद्दाया पौ लःल्हानादिइगु खः ।  ललितपुर निर्वाचन क्षेत्र नं. २ क या निंतिं बागमति प्रदेशया लागि गठबन्धन उम्मेदवार  रेसा श्रेष्ठ मयजु यात थथे पौ लःल्हाना दीगु खः ।
 
पौ लःल्हाना काये धुंका उम्मेदवार मयजु रेसा श्रेष्ठं थः नं छम्ह नेवाः जुगुलिं नेवाः मुद्दा प्रति सदां नुगः क्वसायेका च्वनेगु बचं बियादिल । थ्व अभियान या शुरुअात  नेवाः देय् दबू स्वनिगः विशेष प्रदेश पाखें न्ह्याकुगु खःसा नेवाः अभियन्ता श्रीकृष्ण महर्जनं उम्मेदवार  भोट फ्वंवइगु इलय् नेवाः मुद्दा सहितया पौ लःल्हायेत इनाप यानादीगु खः ।
Detail page ad