बुद्ध जयन्तीया लसताय् म्ये व क्यालेण्डर पितब्वज्या
Jheegu Sah – Bijay R, २०७९ जेठ २, सोमबार वर्गीकृत मनोरञ्जन
२५६६ क्वःगु बुद्ध जयन्ती स्वांया पुन्हिया लसताय् अशोक चैत्य महाविहार संरक्षण समाज असं बहालय् छगू ज्याझ्वःया दथुइ शाक्य महाविहार संघया क्यालेण्डर पितब्वज्या ज्याझ्वः जुउगु दु ।
बुद्ध या किपा दूगु उगु क्यालेण्डर संघया नायः शुभकाजी शाक्य व मूछ्यान्जे संघरत्न शाक्य लगायतया पदाथिकारी पिन्सं मंका कथं पितब्वज्या जुउगु खः ।
उगु ज्याझ्वलय् म्येच्वमि संघरत्न शाक्यया च्वसां पिदंगु न्हूगु भक्ति म्ये छपू नं पितब्वज्या जुउगु खः । बुद्ध दर्शनय् आधारित देवा च्याके धुपायँ च्याके बोलया भक्ति म्येयात म्येहालामि बबिता मानन्धरं सः बियादीगु दु ।
थ्व म्येयात नांजाम्ह संगीतकार मनराजा नकःमिं लसय् हनादीगु खःसा सुरेश मानन्धरं बाजं ग्वसाः ग्वयादीगु खः ।
