arin JS
Home page Ad

बहिदार बाबु या शुटिङ्गया झ्वलय् बाशु शाही घाइते

Jheegu Sah – Bijay Ratna ,    २०७९ आषाढ ६, सोमबार    वर्गीकृत मनोरञ्जन

 
नेवाः फिल्मख्यःया ननस्टप फिल्ममेकर धका धयातःम्ह बाशु शाही बहिदार बाबु या शुटिङ्गया झ्वलय् बामलाक्क घाइते जुउगु दु । बीग बजेट व मल्टिकाष्ट नेवाः फिल्मया रुपय् दयेके ज्या जुया च्वंगु बहिदार बाबु षा शुटिङ्ग निदँ न्ह्यः हे न्ह्याकुगु खःसा उगु हे ईलय् कोरोनाया कारणं लकडाउन जूबले शुटिङ्ग दिकेमाःगु खः ।
 
आः कोरोनाया ग्याचिकु चिले धुंकुगु ताः स्वया हाकनं शुटिङ्ग न्ह्याकुगु थ्व फिल्मयात एक्शन प्रधानं फिल्मया रुपय् दयेका च्वंगु दु । बाशु शाहीया हे निर्देशनय् तयार जुइगु थ्व फिल्मय् बाशु शाहीया अपोजिट शोभा महर्जन व आराध्य लक्ष्मी खडगी हिरोइन जुया खनेदइसा थुके ख्यालिजुजु मदनकृष्ण श्रेष्ठ,राजाराम पौड्याल,रवि डंगोल, सुशील पोखरेल,लक्ष्मी गिरी  व हरि घेमोसु ,सुरज नापित  सुरज व्यन्जनकार लगायत  नेपाःया आपालं नांजापिं व लोकंह्वापिं कलाकारपिन्सं अभिनय याना च्वंगु दु । 
 
ताः ई दिपा काये धुंका थौंकन्हे बाँलाक्क शुटिङ्ग न्ह्याना च्वंगु थ्व फिल्मया शनिबार शसटिं जुया च्वंगु छगू एक्शन लु या शुटिङ्ग या झ्वलय् छम्ह पात्रया किक पनेगु झ्वलय् कलाकार निर्देशक बाशु शाही या पतिंचा त्वधुगु खः । थथे पतिंचाय् घाःपाः जुइबले लुभुया हे महालक्ष्मी पोलि क्लिनिकय् यंका वासः यायेत यंकुगु खः । अन वयागु पतिंचा यात सुरक्षित तयेगु निंतिं स्टिल पाता तया हःगु खः । थथे घाःपाः जुउसां घाःपाः जूम्ह बाशु शाहीं उगु लु या धाःसा पूवंक क्वचायेकुगु खः ।
 
व धुंका आइतबार निसें दिपा काःगु थ्व बहिदार बाबु या छपू मू म्ये व छुं भचाजक शुटिङ्ग ल्यँदनिगु खँ कलाकार तथा निर्देशक बाशु शाहीं जानकारी बिउगु दुसाः निन्हु स्वन्हु ति शुटिङ्ग यायेदःसा फिल्म पूवनि धका जानकारी बिउगु दु ।
Detail page ad