arin JS
Home page Ad

प्रा डा जनकलाल वैद्य मन्त

Jheegu Sah – Bijay Ratna,    २०७८ मङ्सिर ५, आइतबार    वर्गीकृत साहित्य

नेपालभाषा विषयस दकले न्हापां विद्यावारिधि याना दिउम्ह विद्वान, भाषासेवी डा. जनकलाल बैद्य म्हिग कछला:गा पारू, शनिवा: खुन्हु  दिवंगत जुल ।  अबु रामलाल वैद्य व मां आशमाया वैद्यया कोखं नेपालसम्बत १०५४ दिल्लागा चौथी खुन्हु जन्मजूम्ह साहित्यकार प्रा डा. जनकलाल वैद्य  ८८ वर्षया उमेरय् यलया महालक्ष्मीद्यःया सतिक्क च्वंगु गणेशमान मेमोरियल अस्पतालय् दिवंगत जुउगु खः ।

पार्किन्सन ल्वःचं कया च्वंम्ह वैद्यया खुन्हुति न्ह्यः नयेत्वने ज्याय् अरुचिया समस्या वःबले  अस्पतालय् भर्ना याःगु खँ वयकया पारिवारिक सूत्रं जानकारी बिउगु खःसा  वयकया  अन्तिम संस्कार म्हिग बहनी हे याये धुंकुगु दु ।

 वयक नेपालभाषा एकेडमीया दुज:लिसें नेपालभाषा परिषदया सल्लाहकार नं खःसा वयकलं नेपालभाषा ,नेपाली भाषा व अङ्ग्रेजी  नापं याना स्वंगुलिं भाषं समालोचना , बाखं, नाटक, एकाङ्की, अनुसन्धानात्मक लेख च्वयादीगु दु । वयकया कृति मध्ये कल्याणी, सत्यसतीया विवेचना, स्वयाच्वंगु मिखा या नापनापं राष्ट्रिय अभिलेखालय स्थित नेपालभाषा अभिलेख ग्रन्थ, नेपालभाषाया काव्य सिर्जना प्रवृत्ति , ल्वःल आशा सफू कुथिया अभिलेख ग्रन्थया वर्णनात्मक धल:, किर्तिलक्ष्मी मू ग्रन्थ खःसा वयकलं  नेपालभाषाया काव्य सिर्जना प्रवृत्ति विषयस विद्यावारिधि यानादीगु खः    ।

Detail page ad