arin JS
Home page Ad

प्राप्ति व अश्विनं त्याकल संसार अनलाइन सिङ्गिङ स्टार

Jheegu Sah – Bijay Ratna ,    २०७८ भाद्र २७, आइतबार    वर्गीकृत मनोरञ्जन

संसार अनलाइन सिङ्गीङ स्टार अवार्ड २०२०/२१ या उपाधि प्राप्ति तामाङ व अश्विन प्रधानं त्याकल ।

शनिबार राष्ट्रिय सभा गृहय् जुउगु ग्रायण्ड फाइनल य् झिंखुदँ क्वये यापिं कासामिपिं मध्ये  काभ्रेया प्राप्ति तामाङ न्हाप लागु दु  । थ्व कासाय् रितु श्रेष्ठ लिउ व ख्वपः या झरना खनाल लियाँल्यु सिरपा त्याकल ।

न्हाप झिद्वःतकाया, लिउ ७ द्व व  न्याद्व तका या सिरपाया नापनापं ट्रफी लःल्हागु खः । अथेहेतुं खुल्ला कासामिपिं पाखें इलामया अश्विन प्रधान न्हाप , यलया  अमोघ वीर बज्राचार्य लिउ व थिमिया आश्रय रञ्जित लियाँल्यु लागु खः । खुल्लापाखे न्हाप लाःम्हेसित स्वीद्वतका , लिउ लाःम्हेसित झिंन्याद्वःतका व लियाँल्यु लाःम्हेसित झिद्वःतकाया नापनापं ट्रफी लःल्हागु खः ।

थगुने निसें अनलाइन प्रविधिपाखें जुया च्वंगु थ्व कासाय् मुकं न्हयसःया सिबें अप्वः कासामिपिन्सं ब्वति कागु खःसा उकि मध्ये थीथी राउण्ड पार याना खुल्ला पाखे टप ट्वेल्भ व अण्डर सिक्सटिन पाखे टप फाइभ नापंयाना मुकं  १७ म्ह कासामिपिं दुथ्यागु खः । हलिमय न्यंकभनं या   १९ देशया  नेपामिया ब्वति दुउगु थ्व कासाय् राजु शाक्य,राजेश महर्जन, सबिना मानन्धर व कल्पना श्रेष्ठ पिन्त विशेष सिरपा बिउगु खः ।

थ्व कासाय् प्रसिद्ध संगीतज्ञ अमरराज शर्मा राजोपाध्याय लगायत लोचन भट्टराइ, प्रवेशमान शाक्य, राजु सिंह , जुजु काजी रन्जित लगायतया नांजापिं वरिष्ठ साँगितिक व्यक्तित्वपिं निर्णायकका रुपय् च्वनादीगु खः ।ग्रायण्ड फिनाले कथं जुउगु ज्याझ्वलय्  ऊर्जा, जलस्रोत तथा सिँचाईमन्त्री पम्फा भुसाल मूपाहाँ कथं उपस्थित जुउगु खः ।

थगुने व थुगुसिइ कोरोना जोखिमया कारणं मनुतयेगु जनजीवन अस्तव्यस्त जुया च्वंगु ईलय् थजागु साँगितिक कासां मनुतयेगु नुगः थहाँवइ धका मूपाहाँ मयजुं धाल ।थ्व कासाया ग्वसाखलः संसार अनलाइन ग्रुपया नायः स्वतन्त्र संसार महर्जनं लिपा लिपा नं थज्यागु कासा यानातुं च्वनेगु विचाः न्ह्यब्वल । ज्याझ्वलय् ललितपुर वडा नं २१ का वडा अध्यक्ष एवं ग्वसाखलःया सल्लाहकार  रविन्द्र महर्जनपाखें लसकुस न्वचु न्ह्यब्वःगु खःसा ख्यालिजुजु मदनकृष्ण श्रेष्ठ नं विशिष्ट पाहाँ या रुपय् उपस्थित जुउगु खः । 

 

 

 

 

 

 

 

 

Detail page ad