arin JS
Home page Ad

पुलांम्ह निर्देशकया न्हूगु म्युजिक भिडियो

Jheegu Sah – Bijay Ratna ,    २०७९ श्रावण २२, आइतबार    वर्गीकृत मनोरञ्जन

        नेपाःया तसकं  नांजाम्ह पुलांम्ह कलाकार व निर्देशक पवन जोशीया निर्देशनय् ‘दःसां दुःख मदुसां दुःख’ बोलया म्येया  म्युजिक भिडियो पिहाँवइगु जगु दु।
 
किपूलिइ शुटिङ्ग जुउगु  किपूया पूर्णमान महर्जनया च्वसाय् तयार जूगु बुद्ध भजन  ‘दःसां दुःख मदुसां दुःख’ बोलया म्ये दिपा महर्जन, रत्नशोभा महर्जन व मथुरा महर्जनं हालादिगु खःसा  मथुरा महर्जनं लय् चिनादीगु खः।
 
थ्व म्येया निंतिं सन्तोष महर्जनं बाजं ग्वसाः ग्वयादीगु खः। किपूया थीथी विहार व थासय् छायाँकन जूगु उगु म्येय् भन्ते तिस्स स्थविरं मू भुमिकाय् अभिनय यानाः बिज्याःगु दुसा छगू दर्जनं मल्याक्क् कलाकारपिनिगु अभिनय दुथ्याःगुु दु धका निर्देशक जोशीं जानकारी बियादीगु दु।
 
दःसां दुःख मदुसां दुःख’ म्येया उगु म्युजिक भिडियोया छायाँकनया झ्वलय् ‘सानो पाईला’ नांया छगू संस्थां चीधंगु आर्थिक ग्वाहालि नं लःल्हाःगु खः । संस्थाया अध्यक्ष ज्यापुनी ईन्दुं म्येच्वमि पूर्णमान महर्जनयात आर्थिक ग्वाहालि लःल्हानादीगु खः। थुगु म्युजिक भिडियोया क्यामेरापर्सन नापं सम्पादन राजेश शाक्यं यानादीगु खःसा पूर्णमान महर्जन व राममाया महर्जनं निर्माण यानादीगु खः।
Detail page ad