arin JS
Home page Ad

पत्रकार राष्ट्रिय दबूलिं थः संस्थापकयात लुमंकल

Jheegu Sah – Bijay Ratna,    २०७८ पौष १३, मंगलबार    वर्गीकृत राष्ट्रिय

पत्रकार राष्ट्रिय दबूलिं पत्रकार महासंघया   संस्थापकयात लुमंकल

 

नेपाल पत्रकार महासंघया संस्थापक नायःया म्हसीकाया मागलिसें थौं मंगलवाः नेवाः पत्रकार राष्ट्रिय दबूया ग्वसालय् शिक्षाविद् व पत्रकार सत्यनारायण बहादुर श्रेष्ठया १०६ क्वःगु बुदिं तःजिक हंगु दु । नेपाल पत्रकार महासंघया हलय्  उगु ज्याझ्वलय् मूपाहाँ कथं नेपाल पत्रकार महासंघया संस्थापक शिक्षाविद् व पत्रकार सत्यनारायण बहादुर श्रेष्ठया किपायात थाय् बिउगु खः ।

नेवाः पत्रकार राष्ट्रिय दबूया  नायः सुरजबीर बज्राचार्यया सभानायसुइ जुउगु उगु ज्याझ्वलय्  नेवाः पत्रकार राष्ट्रिय दबूया पदाधिकारीपिं अले सल्लाहकारपिं रमेशकाजी स्थापित , नरेशबीर शाक्य ,पुष्कर माथेमा , सुरेश किरण  व विजयरत्न असंबरे या नापनापं मेमेपिं पाहाँपिन्सं नं श्रेष्ठया किपाय् स्वांमाः देछाना वय्कःयात लुमंकादीगु खः ।उगु ज्याझ्वलय् नेवाः पत्रकार राष्ट्रिय दबूया नायः सुरजवीर बज्राचार्यं श्रेष्ठयात नेपाल पत्रकार महासंघया संस्थापक नायःया म्हसीका बिइकथं नेपाल पत्रकार महासंघया कम्पाउण्डय्  वयकया छगू झ्वाता तयेमा धका सः तया दिल ।

थ्वहे झ्वलय् वयकलं नेपाल पत्रकार महासंघया संस्थापक नायःया रुपय् पत्रकार संगठित यायेगु अभियानया सुरुवात २००८ सालय् नेपाल टुडेया सम्पादक सत्यनारायण बहादुर श्रेष्ठं थःगु अध्यक्षताय् न्हापांगुखुसि नेपाल पत्रकार संघ नीस्वंगु खः धका धासे २००९ सालय् संघया निक्वःगु सभापाखें हाकनं श्रेष्ठयात हे नायः पदय् ल्यःगु खः ।

२०१२ सालय् पत्रकारपिनिगु मेगु बैठकपाखें पूर्वप्रधानमन्त्री व नेपाली कांग्रेसया पूर्व सभापति कृष्णप्रसाद भट्टराईया सभापतित्वय् नेपाल पत्रकार संघया पुनर्गठन याःगु खँ न्ह्यथना दिल । नेवाः पत्रकारपिनिगु संस्था नेवाः पत्रकार राष्ट्रिय दबूपाखें ग्वसाः ग्वःगु ज्याझ्वलय् दबूया नायः सुरजवीर बज्राचार्यं थ्व न्यायया लडाइँ खः धासें थुकिया नितिं दबूपाखें सः थ्वयेकाः वयाच्वनागु जानकारी नं बियादिल ।

ज्याझ्वलय् आदिबासी जनजाति पत्रकार महासंघया न्वकु गजुरधन राइ , प्रेस काउन्सिल या नायः बालकृष्ण बस्नेत , मधेसी पत्रकार समाजया नायः  मोहन सिंह , दबूया सल्लाहकार सुरेश किरण ,दबूया न्हापांम्ह नायः श्रीकृष्ण महर्जन लगायतं नुगःखँ तयादीगु खःसा दबूया मूछ्यान्जे सुनिल महर्जनं ज्याझ्वः न्ह्याकादीगु खः । उगु ज्याझ्वलय् दबूया येँ कचाःया नायः अर्बिनमान सिं , यलया नायः सागर महर्जन लगायत थीथी ख्यःया पत्रकारतयेगु ब्वति दुउगु खः ।

 

Detail page ad