arin JS
Home page Ad

पत्रकार महासंघया संस्थापक अध्यक्ष कृष्णप्रसाद मखु धइगु खँयात कया सहलह

Jheegu Sah – Bijay Ratna ,    २०७९ आषाढ ३, शुक्रबार    वर्गीकृत राष्ट्रिय

 
नेपाल सरकारं नीति तथा कार्यक्रमय् आमसंचार प्रशिक्षण प्रतिष्ठान गठनय् कृष्णप्रसाद भट्टराईया नां स्वाकाः हःगु व थुकिं नेपाल पत्रकार महासंघया संस्थापक अध्यक्ष सत्यनारायण बहादुर श्रेष्ठया योगदानप्रति बेवास्ता याःगुली ध्यानाकर्षण यासें आदिबासी जनजाति पत्रकार महासंघ, फोनिजया ग्वसालय् बिहीबार जूगु ”आमसंचार प्रशिक्षण प्रतिष्ठान र पत्रकार महासंघको संस्थापक अध्यक्ष” बिषयक अन्तरक्रिया  ज्याझ्वलय् पत्रकार महासंघया नायः विपुल पाेखरेललिसें थीथी पत्रकार संगठनतयगु उपस्थिति दुगु खः ।
 
 
ज्याझ्वलय् नेवाः पत्रकार राष्ट्रिय दबूया नायः सुरजबीर बज्राचार्यं सत्यनारायण बहादुर श्रेष्ठ या १०५ क्वःगु जन्मजयन्तीइ संचार मन्त्री पार्वत गुरुङया मूपाहांकथं उपस्थिति दुगु खःसा १०६ क्वःगु जन्मजयन्ती ला  पत्रकार महासंघया हे हलय् महासंघया हे ग्वाहालिइ जूगु खः तर सहभागिता धाःसा महासंघपाखें मजुगु खःसा उगु खँय् जानकारी हे मदु धायेगु गुलि गैरजिम्मेवारी खँ जुइ धकाः धयादिसेँ गुलि नं तथ्य थीथी माध्यमं वयाच्वंगु दु उकियात बेवास्ता यानाः हाकनं अध्ययन यायेगु धकाः वःगु खँया नं विरोध यानादिल । अध्ययन हे यायेमाः थें ताःसा पुलांगु तथ्यया आधार त्वःते मज्यूगु खँय् बज्राचार्यं बः बियादीगु खः ।
 
 
ज्याझ्वलय् पत्रकार दबूया मूछ्याञ्जे सुनील महर्जनं न्हापा थःपिन्सं पत्रकार महासंघया अध्यक्षपिन्त थुगु विषय ज्ञापनपत्र मार्फत दबुलिं ध्यानाकर्षण याकाः वयाच्वनागु खँ न्ह्यथनादिल । थुगु अन्तरक्रियाय् सत्यनारायण बहादुर श्रेष्ठया योगदानया उल्लेख व कदरया नितिं न्ह्यात्थेंजाःगु पलाः छीमाःसा छीगु निष्कर्षलिसें सम्बन्धित थासय् ज्ञापन पत्र बीगुनिसें कडा आन्दोलनय् वनेमाःसा वनेगु धइगु सहलह फोनिज दुने जूगु खँ नं न्ह्यथने बहःजू ।
 
 
 
 
ReplyForward
Detail page ad