arin JS
Home page Ad

न्हूदँ ११४३ तःजिक हनेत थीथी समिति नीस्वन

Jheegu Sah – Bijay Ratna ,    २०७९ आश्विन १३, बिहिबार    वर्गीकृत राष्ट्रिय

 
     नेपाल सम्बत ११४३ न्हूदँ तःजिक हनेगु नितिं नेपाल सम्बत  न्हूदँ समारोह राष्ट्रिय समितिं थीथी समिति व उपसमिति याना मूक्कं नीखुगू समितित नीस्वंगु दु ।
 
समारोह समितिया नायः प्रा.डा. नरेशमान बज्राचार्यया मू उपस्थितिइ म्हिगः बुधवाः येँया नेपाः ब्यांक्वेटय् च्वंगु मुँज्यां थीथी समिति व उपसमिति नीस्वंगु खः ।
 
समारोह समितिं ब्यूगु जानकारी कथं थ्वहे वइगु कछलाथ्व पारुया दिं येँया बसन्तपुरय् जुइगु भिंतुना र्याली व भिंतुना सभा ताःलाकेगु नितिं व न्हूदँया भिंतुना सभा व र्याली लिपा दच्छियंकं थीथी ज्याझ्वः यायेगु नितिं थथे उपसमिति नीस्वंगु खः  ।
 
समितिं संचार उपसमिति, आर्थिक उपसमिति, स्वयंसेवक उपसमिति, सांस्कृतिक बाजा समन्वय उपसमिति, देय् न्यंक न्हूदँ ज्याझ्वः धलः उपसमिति, मिसा दुजः मनोनयन उपसमिति, क्रियाशील व्यक्तित्व मनोनयन उपसमिति, जातीय खलः पुचः उपसमिति, मञ्च व माइक व्यवस्थापन उपसमिति, गैरनेवाः मनोनयन उपसमिति, नासः पूजा ज्याझ्वः उपसमिति, न्हिल्याःपौं प्रकाशन उपसमिति, सांस्कृतिक ज्याझ्वः उपसमिति, मू नारा क्वःछिना उपसमिति, क्लब संघसंस्था परिचालन उपसमिति, नसात्वसा व ज्याझ्वःया थाय् ब्यवस्थापन उपसमिति, माइन्युट पुस्तिका व्यवस्थापन उपसमितिलिसें थीथी उपसमितित नीस्वंगु खः ।
 
थथे नीस्वंगु उपसमितिया मुँज्या मोहनी नखः क्वचायेवं हे न्ह्याकेगु खँया जानकारी न्हूदँ समारोह समितिं ब्यूगु दु । अथेहे, न्हूदँ ११४३ या सकतां ज्याझ्वः न्ह्याकेगु नितिं १९ म्ह दुजः दूगु व्यवस्थापन समिति नं नीस्वंगु दु ।
Detail page ad