arin JS
Home page Ad

न्हूदँ समारोहया आधिकारिक तिथिपौ पिदनीगु

Jheegu Sah – Bijay Ratna ,    २०७८ कार्तिक ७, आइतबार    वर्गीकृत राष्ट्रिय

 
नेपाल सम्बत न्हूदँ ११४२ समारोह तःजिक हनेत लुँवह व्यवसायी भाषासेवी निरन्जन रत्न शाक्यया नायसुइ छगू समारोह समिति गठन जुइधुंकुगु दुसाः उगु हे नेपाल सम्बत न्हूदँ ११४२ समारोह समितिपाखें नेपालसम्बत या आधिकारिक तिथिपौ तयार जुल धका उगु समितिं जानकारी बिउगु दु ।
तिथिपौ उपसमितिया कजि देवदास मानन्धरं बियादीगु जानकारी कथं दँय् दसंथें थुगुसी नं ११४२ या तिथिपौ तयार जूगु खँ  दु । लिसें वय्कलं तिथिपौ उपसमितिया मुँज्यां तिथिपौ इनेगु नितिं समारोह समितिया दुजः उमेश स्थापित, पवित्र कसाः दुथ्याःगु इनेज्या समिति नीस्वनागु जानकारी बियादीगु दु ।
अथेहे, भाजु मानन्धरं नेपाल सम्बत ११०१ निसें आःतकया तिथिपौ पिथनेगु कुतः यायेगु खँ नं कनादीगु दु ।समारोह समितिं दँय् दसं न्हूदँया लसताय् येँया बसन्तपुरय् जुइगु भिन्तुना सभाय् उगु तिथिपौ उलेज्या यायेगु यानाच्वंगु खः ।
Detail page ad