arin JS
Home page Ad

न्हूदँ राष्ट्रिय समारोह समिति ११४२ या नाय निरञ्जन रत्न शाक्य

Jheegu Sah – Rajeev Rajopadhyaya,    २०७८ आश्विन २१, बिहिबार    वर्गीकृत राष्ट्रिय

थौं बसुवाः नेपाः ब्याङ्केटय् जूगु मुज्यां् न्हूदँ राष्ट्रिय समारोह समिति ११४२ निस्वंगु खःसा समितिया मुज्यां भाषासेवी निरञ्जन रत्न शाक्ययात सर्व सम्मतं नाय ल्यःगु दु ।

न्हुदँ राष्ट्रिय समारोह समिति ११४१या रमेश महर्जनया सभापतित्वय् जूगु उगु मुज्याय् समितिया आर्थिक कवःया दुजः अमृत ताम्राकारजुं वंगु दँया आर्थिक ल्याः चाः प्रस्तुत याना दीगु खः ।

नायः भाजु महर्जनं न्हुदँ राष्ट्रिय समारोह समिति ११४१ विघटन जूगु घोषणा याना न्हूदँ राष्ट्रिस समारोह समिति ११४२या नायःया नितिं निरञ्जन रत्न शाक्यया नां प्रस्ताव नं यानादीगु खः ।

न्हुदँ समारोह समिति ११४२ निस्वनेगु थुगु मुज्या रमेश महर्जनया सभापतित्वय् जूगु खःसा नेपालभाषा मंका खलःया वरिष्ठ दुजः गणेश साय्मि व नेवाः देय् दबूया नायः नरेश ताम्राकार पाहाँ कथं झायादीगु खः।

Detail page ad