arin JS
Home page Ad

न्याक्वःगु हलिं नेवाः दिवस तःजिक हन

Jheegu Sah – bishesh,    २०७८ चैत्र १२, शनिबार    वर्गीकृत अन्तर्राष्ट्रिय

म्येहालामि संगीता शाक्ययात रमेश ताम्राकार लुमन्ति सिरपा 
 
वर्ल्ड नेवाः अर्गनाइजेशन निस्वंगु दिनयात लुमंका दय्ँदसं मार्च महिनाया लिपांगु शन्चरबार खुन्हु वर्ल्ड नेवाः  डे अर्थात् हलिं नेवाः न्हि कथं हना वया च्वंगु दु ।
थ्व अर्गनाइजेशन सन्२०११ स बेलायतय् निस्वंगु खः । लिपा थीथी देशय् विश्व नेवाः सम्मेलन जुया च्वंगु खःसा सन्२०१८ या मार्च ३० व ३१ तारीख निन्हुयंकं हलिमय न्यंकभनं च्वंपिं नेवाः प्रतिनिधि मुना नेपालय् हलिं नेवाः दिवस हंगु खः । वहे दिनं निसें हलिमय थीथी थासय् हलिं नेवाः दिवस हना वया च्वंगु खः ।
वहे कथं थुगुसिइ न्याक्वःगु हलिं नेवाः दिं थीथी देशय् थें नेपालय् नं तःजिक हंगु दु । नेपालय्  न्याक्वःगु हलिं नेवाः दिवस ज्याझ्वःया ग्वसाः नहेन्द्र प्रधानया कजिसुइ जुउगु खः । 
हलिं नेवाः दबू वर्ल्ड नेवाः अर्गनाइजेशनया नेपाः देय् मूकवः स्वनिगः या ग्वसालय् जुउगु न्याक्वःगु हलिं नेवाः दिवसया ज्याझ्वलय् येँ महानगरपालिका या मेयर विद्या सुन्दर शाक्य मू पाहाँ कथं झायादीगु खः ।
अथेहेतुं विशिष्ट पाहाँ उपमेयर हरिप्रभा खडगीं श्रेष्ठ या नापनापं विशेष पाहाँपिं नेपालभाषा एकेडेमीया भाइस चान्सलर मल्ल के सुन्दर व सदस्य सचिब डा पुष्पराज राजकर्णिकार , हलिं नेवाः दबू वर्ल्ड नेवाः अर्गनाइजेशनया नेपाः देय् मूकवः स्वनिगः या पुलांम्ह नायः पुष्कर माथेमा लगायतया पाहाँपिनिगु ब्वति दुउगु खः ।
ज्याझ्वः नेपाः देय् मूकवःया नायः शाक्य सुरेनया सभानायसुइ न्ह्याःगु खः । ज्याझ्वलय् परराष्ट्रविद हिरण्यलाल श्रेष्ठं मूखँ तयादिल । अथेहेतुं वर्ल्ड नेवाः अर्गनाइजेशनया वरिष्ठ न्वकु नारायण राजभण्डारी व वर्ल्ड नेवाः अर्गनाइजेशन अमेरिकाया नेपाः प्रतिनिधि किरन केन रन्जित,ज्यापु समाज यलया नायः तिर्थलाल महर्जन या लिसेलिसें विशिष्ट पाहाँ उपमेयर हरिप्रभा खडगी श्रेष्ठ व मूपाहाँ मेयर विद्या सुन्दर शाक्य लगायतया वक्तापिन्सं नुगःखँ तयादिल ।
ज्याझ्वलय् नेपालभाषा व नेवाः ख्यःया निंतिं थीथी ख्यलं योगदान बियादीपिं परराष्ट्रविद हिरण्यलाल श्रेष्ठ, नेपालभाषा एकेडेमीया चान्सलर बाखं च्वमि यज्ञरत्न धाख्वाः,साहित्य विश्लेषक प्रा नर्मदेश्वर प्रधान, पत्रकार राजेन्द्र स्थापित,कलाकार नारायण देवी प्रधान,कासामि सुनिल प्रजापति,व्यवसायी कृष्णलाल महर्जन व पौभा कलाकार लोक चित्रकार पिन्त वयक पिनिगु योगदान यात हनाबना तसें सम्मान याःगु खःसा नांजाम्ह म्येहालामि संगीता शाक्य थापायात झिंन्याद्वःतका नापं रमेश ताम्राकार लुमन्ति संगीत सिरपा लःल्हागु खः ।
Detail page ad