arin JS
Home page Ad

नेवाः संस्कृति व साहित्य यात कःघाना न्यागु सफू पिदन

Jheegu Sah – bishesh,    २०७९ जेठ २८, शनिबार    वर्गीकृत साहित्य

 
 अष्ट गणेश पब्लिकेशन या ग्वसालय्   नेवाः संस्कृति व नेपालभाषा यात कःघाना थीथी विषयया न्यागु सफू  शनिवार छगू ज्याझ्वःया दथुइ पितब्वज्या जुउगु दु ।
 
वाङ्गमय शताब्दि पुरुष अतिकं हनेबहम्ह संस्कृतिविद् सत्यमोहन जोशीया मूपाहाँसुइ जुउगु उगु पितब्वज्या ज्याझ्वलय् सन सायमिया " नेपालमण्डल को मौलिक जात्रा परम्परा ",  मीना बज्राचार्यया " नवग्रह " नांयागु ख्यालः मुना , मोहन देवी महर्जनया  " ज्याथा प्रजापति समुदाय या पन्चदान गुथि " , राकेश महर्जनया  " मल्लकालिन गुथिया धरः पौ " व भरत महर्जन या  " नेपालन्यायपाल विधि " या चिखिफ्यने ज्या मूपाहाँ जोशीं यानादीगु खः ।
 
अष्ट गणेश पब्लिकेशनया राजेश श्रेष्ठया सभानायसुइ जुउगु पितब्वज्या ज्याझ्वलय् पिदंगु सफूयात कया पत्रकार व साहित्यकार विजयरत्न असंबरें खँ उलेगु झ्वलय् साहित्यकार व उप प्राध्यापक राजित बहादुर श्रेष्ठं थः अबु अष्टबहादुर श्रेष्ठ व मां गणेश कुमारी श्रेष्ठया नामय् प्रकाशन संस्था निस्वना उगु संस्थापाखें न्यागु न्यागु सफू छक्वलं पितब्वज्या यागु यात च्वछाये बहगु खँ धका धयादिल । वहे झ्वलय् वयकलं नेपालभाषाया ख्यालः साहित्यख्यलय् मीना बज्राचार्य न्हापांम्ह मिसा च्वमि जुउगु खँ नं न्ह्यथना दिल ।
 
ज्याझ्वलय् प्रकाशन संस्थापाखें राजित बहादुर श्रेष्ठं सुभाय् देछासे थःपिन्त थ्व धर्ती हःपिं मां अबुया गुनयात चिरस्मरणीय यायेगु मति तया भाषा व साहित्यया सेवा यायेगु भावं थथे सफू पिकानागु खँ कनादिल ।
Detail page ad