arin JS
Home page Ad

नेवाः फिल्म सोसाईटीइ बिराजयात ल्यल

Jheegu Sah – Bijay R,    २०७८ आश्विन २, शनिबार    वर्गीकृत मनोरञ्जन

नेवाः संकिपामिपिनिगु संस्था नेवाः फिल्म सोसाइटीया शनिवार जुउगु तःमुन्ज्याँ बिराजकाजी राजोपाध्याय यात न्हूम्ह नायः कथं सर्वसम्मतं ल्यःगु दु ।

नेपाःया नांजाम्ह फेशन डिजायनर व कलाकार शोभा महर्जनया गिफ्ट नांयागु बुटिकया सभाकक्षय् जुउगु सोसाईटीया च्वाक्वःगु साधारण सभा व निक्वःगु अधिवेशनं भाजु राजोपाध्याययात नायः पदय् सर्वसम्मत ल्यःगु खः ।

अधिवेशनं भाजु राजोपाध्यायया नायसुइ ११म्ह दुजः दुगु न्हूगु ज्यासना पुचः सर्वसम्मतं ल्यःगु खः ।

सर्वसम्मतं निर्वाचित सोसाइटीया न्हूगु ज्यासना पुचलय् न्वकु दर्शनबीर शाक्य, मूछ्यान्जे आभास राजोपाध्याययात ल्यःगु खः ।अथेहेतुं छ्यान्जे रोहन श्रेष्ठ , दाँभरीं सुनिता श्रेष्ठया नापनापं खुम्ह दुजः कथं रुपेन्द्रकुमार श्रेष्ठ, राजन शाही, राकेश प्रधानाङ्ग, बिशाल राजभण्डारी, कृष्णशोभा महर्जन व रोजिना सुवालयात सर्वसम्मतं ल्यःगु खः ।

ल्यःज्या जुइसिबें न्ह्यः जुउगु साधारण सभाया उलेज्या ज्याझ्वः सोसाइटीया नायः लुजः सिंहया सभानायसुइ जुउगु खःसा ज्याझ्वलय् आदिबासी जनजाति चलचित्र महासंघया नायः अमृत सुनवार मूपाहाँ कथं झायादीगु खःसा विशेष पाहाँ कथं सिने पत्रकार विजयरत्न तुलाधर, थाईल्याण्डया निंतिं नेपाःया पर्यटन दुत चिरन शाक्य, नांजाम्ह संकिपा कलाकार राजेन्द्रमान शाक्यपिन्सं नेवाः संकिपाया थीथी पक्षयात कुलादिल ।

उलेज्याझ्वः धुंकाया बन्द सत्रय् सोसाइटीया आर्थिक व बार्षिक प्रतिवेदन नं न्ह्यब्वःगु खः ।

Detail page ad