arin JS
Home page Ad

नेवाः ज्ञानकोषयात कयाः नेपालभाषा एकेडेमिइ सहलह

Jheegu Sah – Bijay Ratna ,    २०७९ आषाढ ५, आइतबार    वर्गीकृत राष्ट्रिय

   नेपालभाषा एकेदेमिया ग्वसालय् नेवाःतय्गु सकतां खँ दुथ्याका ज्ञानकोश दयकेगु ज्या न्ह्यानाच्वंगु दुसाः नेवाःतसें न्ह्याका वयाच्वंगु थःगु मौलिकतायात कःघाना नेवाःतय्गु विशेषतायात उजागर याय्भनं उकिया जानकारी सकसितं बियेफयमा धैगु खँयात ध्यान तया थुगु ज्ञानकोण दयकेत थीथी नेपालभाषाया थीथी पक्षय् सःस्यूपिं च्वमिपिन्त थीथी कथंया विषयया भाला बिया ज्या न्ह्याका वयाच्वंगु खँ एकेडेमीया सदस्य सचिव डा पुष्पराज राजकर्णिकारं धयादीगु दु ।
 
  थ्व हे झ्वलय्  किपूया नेपालाभाषा एकेडेमीया हलय्  शनिवार  छगू सहलह  मुन्ज्या जूगु दु । उगु सहलह मुन्ज्याय् विज्ञपिं योगेन्द्र प्रधान व सौभाग्य प्रधानांगपिन्सं ज्ञानकोषया रचनाया विषयलय् थःथःगु सुझाव बियादीगु खः ।
 
विज्ञपिं डा. योगेन्द्र प्रधानजु्ं नेपालभाषा प्राचीन काव्य व व्यक्तित्वयात कया व सौभाग्य प्रधानांगं सांस्कृतिक पक्षयात कया खँ कनादीगु खः । व्यक्तित्व म्हसिकाय् संस्कृति, भाषा, कला, इतिहास निर्माण, साहित्य, संगीत, समाजसेवा, शिक्षा आदि ख्यलय् विशिष्ट योगदान बियादीपिं व्यक्तित्वपिन्त म्हसिकेगुकथं ज्या जुयावयाच्वंगु दु ।
 
नेवाः ज्ञानकोषय् थीथी विषयवस्तुयात कःघाना मू विषय, कचा विषय व तँसा विषय याना स्वंगू ब्वय् ब्वथला दुथ्याकेगु ज्या जुयाच्वंगु दु धका धयादिसे  थ्व ज्ञानकोशया ज्या न्ह्याना च्वंगु स्वदँ वयेधुंकुगु व अाः दच्छिया दुने थ्व ज्या पुवनिगु खँ एकेडेमीया भाइस चान्सलर मल्ल के सुन्दरं कनादिल  ।
 
अनिलरत्न स्थापितं न्ह्याकादीगु सहलह मुन्ज्याय् नेपालभाषा एकेदेमिया भाइस चान्सलर मल्ल के सुन्दर, सदस्य सचिव डा पुष्षराज राजभण्डारी, डा.चुन्दा बज्राचार्यजु्पिन्सं नं ज्ञानकोषया आभारभूत खँ कनादीगु खः । सहलह ज्याझ्वलय् थीथी व्यत्तित्वपिं प्रा. प्रेमशान्ति तुलाधर, डा. बज्रमुनि बज्राचार्य, मुनिन्द्ररत्न बज्राचार्य, त्रिरत्न मानन्धर लगायतपिन्सं थीथी खँ न्ह्यब्वया दीगु खः । 
 
 
Detail page ad