arin JS
Home page Ad

नेपाल सम्बतयात कयाः स्यनेकने ज्याझ्वः न्ह्याकल

Jheegu Sah – Bijay Ratna ,    २०७९ आश्विन ७, शुक्रबार    वर्गीकृत पुलुपालु

       नेपाल सम्बत न्हूदँ राष्ट्रिय समारोह समिति ११४२ या ग्वसालय् नेपाल सम्बत छ्यलाबुला व थ्व सम्बतया महत्वयात कयाः स्यनेकने ज्याझ्वः याःगु दु ।
 
नेपाः ब्याकेटय्  शुक्रबार जुउगु ज्याझ्वलय् समारोह समितिं दँय्दसं पिकयाच्वंगु तिथिपौ पिथनाया दुजः लिसें अङ्क विज्ञान ज्योतिष देवनारायण महर्जनं स्यनेकने यानादिगु खः । वयकलं नेपाल सम्बतया महत्व व थ्व सम्बत गुगु कथं छयलाच्वंगु दु धइगु खँया जानकारी बियादिइगु खः ।
 
उगु ज्याझ्वः समारोह समितिया सल्लाहकार समितिया संयाजक तीर्थराम डंगोलया सभापतित्वय् जुगु खःसा तिथि पौं उप समितिया दुजः बिष्णु चित्रकारं नं नेपाल सम्बतया महत्व व छयेलाबुलायात कयाः बिचाः प्वंकादिगु । समारोह समिति थुकथं थीथी इलय् स्यनेकने ज्याझ्वः न्ह्याका यंकेगु ग्वसाः ग्वयातःगु दु। शुक्रबार जुउगु  स्यनेकने ज्याझ्वलया समारोह समितिया दुजःपिं उपस्थिति दूगु खः ।
Detail page ad