ayutahuti
Home page Ad

नेपाली गायकया जापानी म्ये पितब्वज्याय् ज्ञानु राणायात सम्मान

Jheegu Sah – Bijay Ratna ,    २०७८ पौष २३, शुक्रबार    वर्गीकृत मनोरञ्जन

जापानय् च्वना वया च्वंम्ह नेपाःया गायक बज्र गुरुङया छपू जापानी म्ये आइताकु नारु या म्युजिक भिडयो बिहिवार छगू ज्याझ्वःया दथुइ पितब्वज्या जुउगु दु ।
 
थ्व म्ये गायक गुरुङं हे च्वयादीगु व लसय् हनादीगु म्ये खः । नांजाम्ह संगीतकःमि नाट्य कला प्रज्ञा प्रतिष्ठानया पूर्व उप कुलपति शम्भुजित बास्कोटा मूपाहाँ कथं झायादीगु उगु म्येया पितब्वज्या ज्याझ्वः वर्ल्डवाइड मिडिया नेटवर्कया ग्वसालय् जुउगु खः । ग्वसाखलःया कजि रामकृष्ण श्रेष्ठया सभानायसुइ जुउगु उगु ज्याझ्वलय् नेपाःया नांजाम्ह गायिका ज्ञानु राणायात सम्मान नं याःगु खः ।
 
पितब्वज्या ज्याझ्वलय् ग्वसाखलःया कजि रामकृष्ण श्रेष्ठं लसकुस यानादीगु खः । ज्याझ्वलय् थःगु नुगःखँ तयेगु झ्वलय् गायक गुरुङं थःगु कर्मथलो जापान खःसां जन्मभुमि नेपाःयात सदां लुमंका च्वना धका धयादिल । मूपाहाँ बास्कोटां थःम्हं संसारया आपालं देश चाहुले धुनागु धका धयादिसे जापान धाःसा आः तक मथ्यंनि धका धयादिल ।
 
ज्याझ्वलय् उगु म्येया कलाकार व प्राविधिक या नापनापं सन्चारकःमि पिन्त नं मतिनाया चिं देछागु खः । युवा पुस्ताया नांजाम्ह संगीतकःमि सुरेन्द्र श्रेष्ठया सुर मेलोडी स्टुडियोस रेकर्ड जुउगु थ्व म्येया म्युजिक एरेन्ज दिपेश सिंहं यानादीगु खः । गायक बज्र गुरुङलिसे नम्रता सापकोटां अभिनय यानादीगु थ्व म्येया कोरियोग्राफर निशिला शाक्य खःसा थुकिया किपालुमि व निर्देशन अमृत सुनवारं यानादीगु खः । 
Detail page ad