arin JS
Home page Ad

नेपालमण्डल टिभिया नायः रमेश महर्जनया निधन

Jheegu Sah – Bijay R,    २०७८ कार्तिक १, सोमबार    वर्गीकृत राष्ट्रिय

 

नेवाः भाय् या छगूयां छगू जक टेलिभिजनया रुपय् नेपालया संचार जगतय् न्हाय् धस्वाकः वःगु टिभि च्यानल  नेपाल मण्डल टेलिभिजनया नायः  रमेश महर्जन थौं सोमबार आकाझाकां मन्त ।

५४ दँया महर्जनयात कोरोना संक्रमण जुयाच्वंगु खःसा वय्कः निमोनिया जुयाः थौं सोमवाः मदूगु वय्कःया छेँजः स्रोतं जानकारी ब्यूगु दु ।मदुम्ह रमेश महर्जन छम्ह उद्योगपति लिसें समाजसेवी खःसा वय्कः रत्न आभूषण महासंघया नं नायः खःसा नेपाल संम्बत न्हूदँ राष्ट्रिय समारोह समिति ११४० व ११४१ या नायः नं खः । ने सं ११४० य् थ्व समितिया नायः या भाला क्वबियादीम्ह महर्जन थगुने कोरोनाया जोखिमया कारणं न्हूदँ समारोह समिति न्हूधाः मयासे ११४० यात हे निरन्तरता बिउगु खः ।

अथेहेतुं थगुने कोरोना जोखिमया कारणं जूगु लकडाउन धुंका मछिना च्वंगु नेपालमण्डल टेलिभिजन यात  वयकलं हाकनं बाँलाक न्ह्याकेगु योजना दयेका च्वनादीगु खः ।

वयकया असामयिक निधनं नेवाः सन्चारख्यलय् तच्वयेक घाःलागु दु ।अथेहे, मदुम्ह महर्जन  विवेकशील साझा पार्टीया केन्द्रीय दुजः नं खः । 

Detail page ad