arin JS
Home page Ad

नेपालभाषा साहित्य ख्यःया कवि पूर्ण वैद्य मन्त

Jheegu Sah – Bijay Rr,    २०७८ भाद्र ११, शुक्रबार    वर्गीकृत साहित्य

 
 नेपालभाषा ख्यःया ज्वःमदुम्ह श्रष्टाया रुपय् कया वयाच्वंम्ह कवि पूर्ण वैद्य ने.सं. ११४१ गुंलागा चतुर्थी २०७८ भाद्र १० गते बिहिवाः बहनी यलया निदान अस्पतालय् मदूगु दु खःसा वयकया पार्थिव शरिर यलया निदान अस्पतालं पशुपति आर्यघाटय् यंकुगु खः ।
वयकया जन्म नेपाल सम्वत १०६० गुन्हुपुन्ही  अर्थात वि.सं. १९९७ सालय् ख्वपया चोछेँ त्वालय्  जुउगु  खःसा वयकयात नेपाःया न्हापांगु साहित्यिक सिरपाः श्रेष्ठ सिरपाः नं लःल्हाःगु दु ।   आधुनिक कविताया जग नीस्वनादीम्ह  कवि पूर्ण बैद्ययात लःयात कया ज्वमदुगु कविताया यात्रा न्ह्याकादीम्ह साहित्यकार खः ।
यकया  ‘लः, लः खः’ कवितायात छपू सशक्त कविताया रुपय् कयातःगु दु  । कविताया ख्यलय् थःगु बिस्कं म्हसीका न्ह्यब्वयादीम्ह पूर्ण बैद्यया ‘लः लः खः’ कविता सफू अंग्रेजी भासं नं अनुवाद जुया पिदने धुंकूगु दु ।
नेपालभाषाया आधुनिक कविताया थां कथं नालेबहःम्ह मदुम्ह पूर्ण बैद्य आकाझाकां मदूगुलिं नेपालभाषा साहित्य ख्यलय् तःधंगु क्षति जूगु साहित्यकारपिन्सं धयाहःगु दु ।
मदुम्ह कवि बैद्यया शुक्रवाः हे दाहसंस्कार  जुउगु दु ।  वयकःयात कब्जियतया समस्या जूगु हुनिं याना भाद्र २ गते बुधवाः यलया पूच्वय् च्वंगु निदान अस्पतालय् भर्ना याःगु खः । 
 
 
Detail page ad