arin JS
Home page Ad

नेपालभाषा व तामाङ भाषायात बागमति प्रदेशया सरकारी कामकाजि भाषा याइगु

Jheegu Sah – Bijay Ratna ,    २०७९ भाद्र २८, मंगलबार    वर्गीकृत राष्ट्रिय

    नेपाल सरकारं गठन यानातःगु भाषा आयोगया सिफारिस कथं नेपालभाषा व तामाङ भाषायात बागमति प्रदेशया सरकारी कामकाजि भाषाया रुपय् लागू यायेगु नितिं बागमति प्रदेशया सोमवा: च्वंगु मन्त्रिपरिषदया मुँज्यां स्वम्ह सदस्यया कार्यदल नीस्वनेगु निर्णय या:गु दु ।

भाषा आयोगया सिफारिस कथं ज्या न्ह्याकेत बागमति प्रदेशया राजधानी हेटौंडाय् च्वंगु मन्त्री परिषदया मुँज्यां उगु कथं खँ क्व:छिउगु ख: । कार्यदलय् औपचारिक रुपं सु सु च्वनादीगु दु धइगु खँ मंगलवा: तकया दुने सार्वजनिक याइ धका: धा:गु दु ।

नेवा: देय् दबू स्वनिग: विशेष प्रदेश, नेपाल तामाङ घेदुङया बागमति प्रदेश व नेवा: देय् दबूयाया बागमति प्रदेश समितिपाखें मदिक्क थुगु मुद्दायात ल्ह्वना दबावमुलकनिसें थीथी ज्याझ्व: याना वयाच्वंगु ख: ।

मुख्य मन्त्री राजेन्द्र प्रसाद पाण्डें छुं दिं न्ह्य: बियादीगु बचं कथं हे आ: कार्यदल दयेकेगु ज्या यानादीगु धैगु तसकं बांलात धका: नेवा: देय् दबू स्वनिग: विशेष प्रदेशया नायः श्रीकृष्ण महर्जनं धयादीगु दु । आ: नेपालभाषा व तामाङ भाषायात कामाजि भाषाया रुपय् लागू याकेगु नितिं नं नेवा: व तामाङत मदिक्क जाना वनेमा:गु अवस्था दु धका: नं वयकलं धयादीगु दु ।

Detail page ad