arin JS
Home page Ad

नेपालभाषा एकेडेमी या ग्वसालय् मचा साहित्यया बारे सहलह मुन्ज्या

Jheegu Sah – Bijay Ratna ,    २०७९ भाद्र २६, आइतबार    वर्गीकृत साहित्य

         नेपालभाषा एकेडेमीया ग्वसालय् शनिवार " मचा साहित्यया समस्या व प्रवर्द्धनया उपाय ” यात छगू सहलह मुन्ज्या जुउगु दु । यलया सातोआकि  लुमन्ति छेँय् जुउगु ज्याझ्वः ग्वसाखलः नेपालभाषा एकेडेमीया चान्सलर यज्ञरत्न धाख्वाःया सभानायसुइ न्ह्याःगु उगु ज्याझ्वलय् मचा बाखं ख्यःया छगः थां शान्त दास मानन्धरं मचा साहित्यया थीथी पक्षया बारे खँ तयादिल ।
 
ज्याझ्वलय् मचा साहित्यया ख्यलय् ल्हाः ज्वम्ह लोककवि राजभाइ जकःमिं मचा साहित्यया समस्या व उकियात न्हंकेगु उपाययात न्ह्यब्वया दिल ।
 
ज्याझ्वः या कजि नेपालभाषा एकेडेमीया प्राज्ञ दुजः त्रिरत्न शाक्यं लसकुस न्वचु तयादिल । मचा साहित्यया ख्यलय् खनेदया च्वंगु समस्याया बारे दुग्यंक सहलह जुउगु उगु ज्याझ्वलय् मचा लय पौ इलोहं या प्रबन्ध निर्देशक नरेशबीर शाक्य , स्कुलय् मचा साहित्यया स्थितियात कया रमिता बज्राचार्यं खँ तयादिल ।
 
अथेहेतुं उगु ज्याझ्वलय्  सुरेश प्रधान यल,जुलुमलाल चित्रकार, तुलसी सायमि , रेणुका बज्राचार्य पिन्सं नं थःगु खँ तयादिल । ताः ई लिपा जुसां मचा साहित्ययात कया थुकथं सहलह जुउगु यात ज्याझ्वलय् सहभागि सकसिनं च्वछाया दिल । ज्याझ्वलय् साहित्यकार शाक्य सुरेनं सुभाए न्वचु तयादिल ।
 
 
 
Detail page ad