arin JS
Home page Ad

नुगलय् थीगु बाखनय् अयला हे नशा खः कि पिदन

Jheegu Sah – Bijay Ratna ,    २०७८ आश्विन २६, मंगलबार    वर्गीकृत मनोरञ्जन

 अयलाया कारणं जीवनय् लाइगु लिच्वः यात कया  नुगलय् थीगु बाखनय् दयेकातःगु म्ये  अयला हे नशा खः कि या म्युजिक भिडियो  हाइलाइट्स नेवार युत्युबय् सार्वजनिक याःगु दु ।

मोहनी नखःया लसताय् पिदंगु थुगु म्ये राजेश शाक्यं हालादीगु खःसा वयक थःम्हं हे लसय् हनादीगु खः ।थ्व म्येय् समाजसेवी कथं नांजाम्ह कलाकार ईन्दु ज्यापुनि व विकास शाक्यया मूभुमिका दु ।

विकाश शाक्यया निर्देशनय् तयार जुउगु थ्व म्येय् मचा कलाकार सिरपा खडगीया नं भुमिका दु । अथेहेतुं थुके बि के नेवाः, अनिल तुलाधर, अष्ट महर्जन, बिकास महर्जन, अजय महर्जन, पुर्णमाया महर्जन, रत्न महर्जन लगायतं नं थीथी भुमिका म्हिता तःगु दु ।

थ्व म्येया च्वमि रमेशबीर डंगोल खःसा म्ये च्वज्याय् बालकृष्ण महर्जन व बिकास शाक्यया क्वातुगु स्वापु दु । रजिन महर्जनया सिनेमाटोग्राफि व एडिटिंग दुगु थुगु म्येया निंतिं बाजं ग्वसाः शिव शाहीं ग्वयादीगु खः ।

Detail page ad