arin JS
Home page Ad

निम्ह तिपुया न्हूगु म्येय् स्वम्ह तिपुया बाखं

Jheegu Sah – राजीव राजोपाध्याय,    २०७८ मङ्सिर १२, आइतबार    वर्गीकृत मनोरञ्जन

नेपालभाषाया संगीतख्यलय् निम्ह तिपुया रुपय् खनेदया वःपिं सुमित्रा व बीरेन्द्र महर्जनया सलय् थ्वगु ज्वम्ये  स्वरे छंगु मतिनां स्वत्तुमतु स्वगु नुगः बोलया म्येया म्युजिक भिडयो शनिवार छगू ज्याझ्वःया दथुइ पितब्वज्या जुउगु दु ।  वयक तिपुया थ्वसिबें न्हापा थगुने  जुल रे जुल बोलया ज्वम्ये पिदने धुंकुगु खःसा थुगुसिइ स्वरे छंगु मतिनां स्वत्तुमतु स्वगु नुगः बोलया म्येया म्युजिक भिडयो पिदंगु खः   ।

कलानिधि संगीत महाविद्यालयया कजि धनबहादुर गोपालि मूपाहाँ कथं झायादीगु खः । म्येहालामि सुमित्रा महर्जन या मां अबु बसुदेवी व बेखानारायण महर्जनया सभानायसुइ न्ह्याःगु म्युजिक भिडयो पितब्वज्या ज्याझ्वलय् नेपालभाषाया म्युजिक भिडयोया न्हापांम्ह निर्देशक नांजाम्ह सिने पत्रकार विजयरत्न असंबरे व नांजाम्ह म्येहालामि संगीता शाक्य विशेष पाहाँ कथं झायादीगु खः ।भिडयो पितब्वज्याय् भिडयोया निर्माता अोमप्रकाश महर्जनं लसकुस यानादीगु खःसा म्येहालामि सुमित्रा महर्जनं सुभाय् देछाना दीगु खः ।

निम्ह  तिपुया ज्वम्ये दुने स्वम्ह तिपुया बाखं क्यनातःगु थ्व म्ये  नांजाम्ह संकिपामि सुरेन्द्र तुलाधरं च्वयादीगु अले नांजाम्ह संगीतकःमि सुरेन्द्र श्रेष्ठं लसय् हनादीगु खःसा  थ्व म्येया भिडयो पटाचारा,कृषा गौतमि व कर्म संकिपाया निर्देशक रामकृष्ण खडगीया निर्देशनय् तयार जुउगु खः ।

उगु भिडयोया किपालुमि रकि महर्जन, छ्याय्फ्वायकःमि बालकृष्ण बंशी खःसा थुके सरिता बज्राचार्य,किरण जोशी व निभा डंगोलं अभिनय यानादीगु दु । 

Detail page ad