arin JS
Home page Ad

नांजाम्ह निर्देशक पवन जोशीया बुद्ध भजन म्ये याकनं हे पिदनीगु

Jheegu Sah – Rajeev Rajopadhyaya,    २०७८ आश्विन २४, आइतबार    वर्गीकृत मनोरञ्जन

नांजाम्ह निर्देशक एवं कलाकार व च्वमि पवन जोशीं निर्देशनय् ‘भक्तया मनय् ज्ञान ब्यूम्ह’ बोलया बुद्ध भजन म्येया भिडियो याकनं पिदने त्यंगु दु ।

उगु म्ये य्रामदेवी मानन्धरं सः बिया दिइगु दु । थुगु म्येया लय् चिनामि संगीतकःमि मोहनदेवी महर्जन खः । जीवित जल्मीया संगीत संयोजन दुथ्याःगु थुगु म्येया म्युजिक भिडियो निर्माण ज्या नकतिनि क्वचाःगु दु ।

थुगु म्येया म्यूजिक भिडियोय् बरिष्ठ निर्देशक कलाकार च्वमि पवन जोशीं निर्देशन यानादीगु दु । छायांकन व सम्पादनया भाला राजेश शाक्यं यानादीगु दु ।

‘भक्तया मनय् ज्ञान ब्यूम्ह’ बुद्ध भजन म्यूजिक भिडियो दुने आपालं न्हूप्रतिभा कलाकारपिनिगु अभिनय दुथ्याःगु जानकारी निर्देशक जोशीं बियादीगु दु ।

वर्तमान अवस्थाया विसंगतियात परिणाममुखी सन्देशमूलक प्रस्तुतिइ स्पष्ट क्यनेगु कुतः थुगु म्यूजिक भिडियो दुने जुउगु खँ निर्देशक जोशीं कनादिल ।

मोहनी नखःया लसताय् लाका थुगु म्यूजिक भिडियो आः छुं दिं दुने हे हाइलाइट्स नेवाः यूट्युब च्यानलपाखें सार्वजनिक यायेगु जानकारी नं म्येच्वमि व हालामि रामदेवी मानन्धरं बियादीगु दु ।

ज्याया बोझं विरक्त जुयाच्वंपिं जनमानसदथुइ आनन्दं सासः ल्हाकाः त्यानुचाः तंकेगु ज्या संगीतं याःगु महसुस फुक्कस्यां यात, बास्तवय् दुःख जक मानवीय मखु,

फुक्क मानवं शान्तिया आभाष कायेदये खनेमा व थ्वहे बुद्ध ज्ञान खः, सतकर्म यायेगु हे बुद्ध धम खः धकाः म्येच्वमि व हालामि रामदेवी मानन्धरं धयादीगु दु ।

Detail page ad