arin JS
Home page Ad

नांजाम्ह नाट्यकःमि प्रचण्ड मल्लं संसार त्वता वन

Jheegu Sah – Bijay R,    २०७८ पौष २, शुक्रबार    वर्गीकृत राष्ट्रिय

नेपाल संगीत तथा नाट्य प्रज्ञा प्रतिष्ठानया संस्थापक उपकुलपतिलिसें नांजाम्ह रंगकःमी प्रचण्ड मल्ल मन्त।

नेपाःया रंगमञ्चया ख्यलय् भीष्म पितामह कथं कयातःम्ह प्रचण्ड मल्लं झिदँया उमेरय् वीरगञ्जय् क्यंगु रामलीला स्वये धुंका अभिनयपाखे नुगः क्वसायेकुम्ह प्रचण्ड मल्लं नाट्य सम्राट बालकृष्ण समया 'नेपाल कला मण्डल' नांयागु नाटकय् प्रचन्डमान मल्ल धका नां छुना थःगु कला यात्रा शुरु यानादीगु खः ।

'फर्केर हेर्दा , जब घाम लाग्छ , पहाड चिच्याइरहेछ' लगायतया निर्देशक प्रचण्ड मल्लं नेपाली चलचित्र विश्वास व प्रेमपिण्ड थेंज्यागु चर्चित फिल्मया  कला निर्देशकया रुपय् नं ज्या यानादीगु दु । छुं इ न्हयः निसें उसायँ मदयाच्वम्ह वय्कः वासः याकेगु झ्वलय् मीनभवनय् च्वंगु सिभिल अस्पतालय् शुक्रबार न्हिनय् मदुगु नेपाल संगीत तथा नाट्य प्रज्ञा प्रतिष्ठानया उपकुलपति हरिहर शर्मां जानकारी बियादीगु खः ।

लिपांगु इलय् वय्कयात निमोनिया जूगु शर्मा धयादिल । वय्कया अन्तिम संस्कार पशुपति आर्यघाटय् थाैं हे जुउगु खः।मल्लं तत्कालीन नेपाल राजकीय प्रज्ञा प्रतिष्ठानय् ज्या यानादिबलय् दर्जनं मल्याकं नाटक निर्देशन यानादीगु खः। वय्कयात रंगमञ्च संयोजनय् सिद्धहस्त कथं कयातःगु दु।

Detail page ad