arin JS
Home page Ad

नव प्रतिष्ठापित श्री गणेश व श्री भैरवया संकल्प पुजा

Jheegu Sah – Bijay Ratna ,    २०७८ श्रावण १, शुक्रबार    वर्गीकृत राष्ट्रिय

 मल्लकालिन जुजु जयप्रकाश मल्लया पालंनिसें प्रचलन शुरूयाःगु जीवित द्यःपिं मध्य मुलरूपं येँयाःबले पुज्याइपिं श्री कुमारी, श्री गणेश व श्री भैरवया राष्ट्रप्रमुखपाखें संकल्प पुजा यात।  शाक्य महाविहार संघया ग्वसालय् राष्ट्रपति भवनय् राष्ट्रपति विद्या देवी भण्डारी पाखें पुजा ज्वलं संकल्प याके  धुंकाः गणेश व भैरवयात बसन्तपुरया कुमारी छेँ हःगु खः । अले स्वंम्हं जीवित द्यःपिनिगु पुजा कुमारी छेँय् याःगु दु ।निवर्तमान श्री गणेश ९संवेग शाक्य० व श्री भैरव ९रुजन शाक्य० यात ई व उमेरया कारणं युवा अवस्थाय् थ्यंगुलिं नियमकथं वयकपिन्त विदा याना न्हूम्ह द्यःपिं ल्ययेत शाक्य कुलया १६ विहारय् सूचं छ्वया शाक्य कुलपुत्रपिनिगु निवेदन व जातःया आधारलिसें पंचाङ्ग निर्णायक समितिया सिफारिस कथं देय्या अवस्थालिसे ज्वः लाःगु गुणदोष, लक्षण व नक्षत्रया आधारय् भाष्कर देव संस्कारीत केशचन्द्र कृत पारावर्त महाविहार इतुंबहालया शाक्य कुलपुत्र रोदिन शाक्ययात नव प्रतिस्थापित याःगु  खँ शाक्य महाविहार संघया नायः शुभकाजी शाक्यं कनादिल  ।  श्री गणेशया रूपय् रोदिन शाक्ययात वि सं २०७७ पौष ३ गते प्रतिस्थापन याःगु खः।उकथं हे नव प्रतिस्थापित श्री भैरवया रुपय् कीर्तिपूण्य महाविहार क्वहिति बहाया शाक्य कुलपुत्र कर्सनव शाक्ययात वि सं २०७७ पौष ४ गते विधिवत रुपं प्रतिस्थापन याःगु खँ महाविहार संघया मूछ्यान्जे संघरत्न शाक्यं जानकारी बियादिल ।संकल्प पूजाया लसताय् आमन्त्रित सकलसित प्रसाद कथं नेवाः भ्वय् नं नकूगु खः । उगु भ्वजय्  पूर्व मन्त्री  कृष्ण गोपाल श्रेष्ठ   , काठमाडौ‌ महानगरपालपकाया उपप्रमुख हरिप्रभा श्रेष्ठ खड्गी ,  बागमती प्रदेशया सांसदपिं राजेश शाक्य, अजय क्रान्ति शाक्य, शोभा शाक्यया नापनापं आपालं हनेबहःपिं व्यक्तित्वपिन्सं ब्वति कयादीगु खः ।    

 

  

 

Detail page ad