arin JS
Home page Ad

नरेशबीर शाक्यया अबुजुं निस्वन धर्मवीर सिरपा

Jheegu Sah – Bijay Ratna ,    २०७९ भाद्र १५, बुधबार    वर्गीकृत पुलुपालु

केशचन्द्र पारावर्त महाविहार (इतुंबहाः) संस्कृति संरक्षण समितिया संस्थापक नायः एवं इतुंबहाः सर्वसंघया न्वकू थाकुलि धर्मवीर शाक्य, जमःपाखें छगूलख झिंछद्वः व सच्छि (१,११,१००–)तका   अक्षय कोष सहित ‘केशचन्द्र गुंलाबाजं–धर्मवीर सिरपा’ निस्वना दीगु दु ।

वयक नेपालभाषा ख्यःया छम्ह नांजाम्ह सन्चारकःमि व नेवाः न्ह्यलुवा नरेशबीर शाक्यया अबुजु खः ।लच्छियंकं स्वयम्भुइ धाःबाजंसहित द्येके वने क्वचाःगु पारुभ्वय्या लसताय् छगू ज्याझ्वःया दथुइ उगु अक्षयकोषया रकम गुंलाबाजंया कजि सुजितमान शाक्ययात दाता धर्मवीर शाक्यं लःल्हानादीगु खः ।

अक्षयकोषपाखें वइगु ब्याजया दामं दयँदसं गुंलापर्वय् स्वयम्भुइ द्येके वना वइपिंमध्ये स्वम्हेसित खुद्वःतका, स्वीन्यासःतका  व निद्वः तकाया सिरपा देछाइगु खँ दु । उगु खँ कथं सिरपा केशचन्द्र गुंला बाजं समितिया निर्णयकथं  ‘केशचन्द्र गुंलाबाजं–धर्मवीर सिरपा’ देछाइगु खँया जानकारी शाक्य परिवारं बिउगु दु ।  

Detail page ad