arin JS
Home page Ad

दुःख दुःख सकसित दुःख या भिडियो पिदन

Jheegu Sah – Bijay Ratna,    २०७८ कार्तिक १५, सोमबार    वर्गीकृत मनोरञ्जन

दुःख दुःख सकसित दुख या भिडियो  म्ये संकिपा पिथना ज्याझ्वः पूर्व राजदूत डा= अन्जान शाक्यजुया मू पाहाँसुइ आइतबार विशाल बजारय् बेण्टो रेष्ट्रोय् जुउगु दु ।

संसार दुने अनेक कथंया सुख दुःखत दै च्वनी  अले दुःखया निवारण व सुखया अनुभूति यायेगु नं यक्को लंपू दयाच्वनी दुःख छाय जुइ  सुख गन प्राप्त जुइधैगु भगवान बुद्धया दर्शनयात लिधंसा कया बरिष्ठ म्ये च्वमि संघरत्न शाक्य च्वयादीगु खः ।

थ्व म्ये मिनर्वा शाक्य बज्राचार्य या सलय् रेकर्ड जुया वयक पाखेंहे थ्व म्ये संकिपा दयेकेगु ज्या जुगु खः ।थ्व म्ये संकिपा  चर्चित संकिपाः जामनः गुभाजुया निर्देशक व परिकल्पनाकार भाजु रबि साय्मीजुया निर्देशन व सम्पादनय् तयार जुउगु खः ।

थ्व म्ये संकिपाया किपालुमि  भवानी शिलाकारं यानादिगु खः । अले सोनाली शिल्पकारं समाः यायेगु ज्या यानादिगु थ्व म्ये नांजापिं कलाकार सबिन शाक्य,श्याम सुन्दर शिल्पकार, अर्नेस्वरी शिल्पकार, रबिना शाक्य पिंसँ अभिनय याना दिगु दु । 

थ्व म्ये पिथनाया उद्देश्य धैगु भगवान बुद्धया नैतिक ज्ञान सकसिनं इना कायेमा धैगु खः धका म्येच्वमि संघरत्न शाक्यं खँ तयादिलसा गुबले तक्क मन दुनेअसन्तुष्टीं थाय कयाच्वनी ,उबले तक्क व दुःखं मुक्त जुइमखु धका न वयकलं धयादिल ।

थ्व म्ये संकिपाय् मिनर्वादेवी शाक्य बज्राचार्य म्ये हालामि व निर्माता, संघरत्न शाक्य  म्ये च्वमि, रवि  सायमिया सम्पादन व निर्देशन, बिरेन शाक्यया संगीत वबाजँग्वसाः, भवानी शिलाकार किपालुमि, प्रबिण सिं सुवाल  ल्यू किपालुमि, समाः सोनाली सिल्पकार, बिट्टु महर्जन पोष्टर समाः व थ्व म्ये संकिपाय् श्रद्धयीधम्मावती गुरुमां, ,केसावती गुरुमां, खेमावती गुरुमां, इन्द्रावती गुरुमां ,अमता गुरुमां पिनिगु न स्वापु दुसाः थुके कलाकार कथं श्याम सुन्दर सिल्पकार,अन्नेश्वरी सिल्पकार, सबिन शाक्य व रबिना शाक्य पिन्सं अभिनय यानादीगु दु ।

Detail page ad