ayutahuti
Home page Ad

त्रिमूर्ति दिवसया लसताय् थीथी सिरपा व पदक लःल्हात

Jheegu Sah – Bijay Ratna ,    २०७९ जेठ २१, शनिबार    वर्गीकृत राष्ट्रिय

त्रिमूर्ति दिवसया लसताय् सिरपा व झीगुसः डटकमया विराजकाजी लगायत न्याम्ह नेवाः पत्रकार लगायत ६० म्हेसित पदक 

 

साहित्यिक क्षेत्रय् सकृय संस्था त्रिमूर्ति निकेतनया नीछक्वःगु स्थापना दिवसया लसताय् थीथी सिरपा व  नेवाः ख्यया न्याम्ह पत्रकारया नापनापं ख्वीम्हेसित सत्यमोहन जोशी शताब्दि महोत्सव पदक लःल्हागु दु । थथे पदकं छायपिउपिं पत्रकारय् मीना बज्राचार्य,नृपेन्द्र लाल श्रेष्ठ,सुरेन्द्र भक्त श्रेष्ठ, सुनिल महर्जन व विराजकाजी राजोपाध्याय खःसा वयकपिं न्याम्हं नेवाः पत्रकार राष्ट्रिय दबू केन्द्रया केन्द्रिय सचिवालय दुजः खः। उकिइ मध्य भाजु  राजोपाध्याय  झीगुसःडटकम या सञ्चालक व प्रधान सम्पादक नं खः । वयकपिन्त मूपाहाँ महासमालोचक प्रा.डा.वासुदेव त्रिपाठीजुं पदक लःल्हाना दीगु खः ।

 

 

येँया तिलगंगा सन्चारग्रामय् त्रिमुर्ति निकेतन परिसरय् त्रिमुर्ति निकेतन या संस्थापक व अध्यक्ष ईन्दिरा प्रसाईया सभानायसुइ जूगु थीथी सिरपा व पदक लःल्हाना दीगु खः । मूपाहाँ प्रा.डा.त्रिपाठीजुं बागु शताब्दी न्ह्यवंनिसें नेपाली भाषासाहित्यया श्रीवृद्धिइ समर्पित जुया शास्त्रीय छन्दकविता रचना एवम् छन्दकाव्यया प्रचार प्रसार अभियानय् समेत विशिष्ट योगदान बियादीम्ह  गोविन्दराज विनोदीयात ‘लेखनाथ पौड्याल पुरस्कार’ देछाना दिल । अथेहेतुं नेपाली नाट्यकलाया श्रीवृद्धिया ज्या यानादीसे नाटक व संकिपाख्यलय् ज्वमदुगु योगदानया निंतिं मिथिला शर्मायात ‘बालकृष्ण सम पुरस्कार’ देछागु खः। नेपाली भाषासाहित्यया श्रीवृद्धिया ज्याय् न्यागु दशक न्ह्यवंनिसें काव्यसाधनाय् निरन्तर समर्पित जुया नेपाली कविताया संवर्द्धनय् विशिष्ट योगदान यानादीम्ह शैलेन्द्र साकारलाई ‘देवकोटा काव्य पुरस्कार’ देछागु खः । थ्व स्वंगुलिं सिरपा ताम्रपत्र व म्हतिं छगू लखतका या खः।ज्यझ्वलय् त्रिमूर्ति निकेतनया दुजः पिन्त जक बिइगु  नीन्याद्वः राशिया ‘भद्र घले पदक’  तारानाथ दाहाल व प्रा.डा.उषा ठाकुरयात बिउगु खः।

 

 

मूपाहाँ प्रा.डा.त्रिपाठीं शताब्दी पुरुष सत्यमोहन जोशीया थीथी पक्षय् ज्या यानादीपिं न्येयच्याम्हेसित  ‘सत्यमोहन जोशी महोत्सव शताब्दी पदक’ देछाना दिल । उकिइ मध्ये न्याम्ह नेवाः पत्रकारया नापनापं अजरमान जोशी, अनुकृतिका, अनुराधा थापा, अमर मिरिङचिङ, आभा श्रेष्ठ कर्ण, डा.कञ्चनजङ्घा प्रसाई, कलाधर काफ्ले, कावेरी जोशी, कृष्णगोपाल श्रेष्ठ, केशवकृष्ण जोशी, गङ्गा मुल्मी, गोपालनाथ योगी, चन्द्रा ओडारी, जीवन आले, जीवेन्द्र सिम्खडा, ढण्डुराज घिमिरे, तारानाथ दाहाल, तुलसीहरि कोइराला, दुर्गा वनवासी, देवकी श्रेष्ठ, नरेन्द्रराज पौडेल, नृपेन्द्रलाल श्रेष्ठ, पूर्ण लामा, पूर्णकला लिम्बू विष्ट, प्रमोद प्रधान, प्रा.प्रेमशान्ति तुलाधर, प्रा.डा.बालमानसिंह कार्की, मणि लोहनी, मनोज बर्मा, मीना बज्राचार्य, यमुना श्रेष्ठ, यशोदा अधिकारी, युवराज नयाँघरे, रमण घिमिरे, श्री राजितबहादुर श्रेष्ठ, प्रा.डा.राज्यश्री श्रेष्ठ, डा.लेखप्रसाद निरौला, लोग्सरी कुँवर, वसन्तकुमार चौधरी, विन्दा रखाल, विराजकाजी राजोपाध्याय, प्रा.डा.वीणा पौड्याल, शान्तराज शाक्य, शान्ति शर्मा, डा.शैलेन्दुप्रकाश नेपाल, सन्तोष देवकोटा, प्रा.डा.सावित्री कक्षपती, सिर्जना तिमिल्सिना, सुनील महर्जन, प्रा.डा.सुरज बज्राचार्य, सुरेन्द्रभक्त श्रेष्ठ, सुशील अर्याल, सुशीला तामाङ, डा.हरिप्रसाद पोखरेल (मानसाग्नि), हेमा मानन्धर, ज्ञान उदास, ज्ञानु अधिकारी व ज्ञानेन्द्र विवस लगायतं यात पदक लःल्हागु खःसा थ्वसिबें न्हापा २२६ म्हेसित थ्व'सत्यमोहन जोशी शताब्दी महोत्सव पदक' देछाये धुंकुागु खँ ग्वसा खलःया सदस्यसचिव नरेन्द्रराज प्रसाईजुं कनादिल ।

 

 

त्रिमूर्ति निकेतनया संस्थापक व अध्यक्ष इन्दिरा प्रसाईया सभानायसुइ जूगु थ्व ज्याझ्वलय् महासमालोचक प्रा.डा.वासुदेव त्रिपाठी व सिरपा त्याकादीपिं गोविन्दराज विनोदी,  मिथिला शर्मा, शैलेन्द्र साकार अले त्रिमूर्ति निकेतनया ज्याझ्वः कजि भगवती बस्नेत व सदस्यसचिव नरेन्द्रराज प्रसाईपिन्सं नुगःखँ तयादीगु खः ।

 

Detail page ad