arin JS
Home page Ad

तसकं लोकंह्वागु " सालुगु गाचा” म्येया किपालुमिया निर्देशनय् "छम छम” या म्युजिक भिडियो पिदन

Jheegu Sah – bishesh,    २०७९ मङ्सिर ३, शनिबार    वर्गीकृत मनोरञ्जन

          नेपालभाषाया संगीतख्यलय् तसकं लोकंह्वानाच्वंगु   " सालुगु गाचा ” म्येया किपालुमि शैलेश श्रेष्ठ लुभुया निर्देशन व सिनेमाटोग्राफि दुउगु "   छम छम ”  म्येया पितब्वज्या शुक्रबार लुभुं वेभ स्टुडियोस जुउगु दु ।
 
लुभुया नांजाम्ह कलाकःमि KBS Lubhoo केबिएस लुभुं प्रोडक्शन डिजायन यानादीगु थ्व भिडियो पितब्वज्या वयकया हे सभानायसुइ जुउगु खः । सभानायः केबिएस लुभुं लसकुस यायेगु झ्वलय् थःम्हं न्ह्याकागु संकिपा व म्युजिक भिडियो निर्माणया ज्या धइगु नेवाः संकिपा व संगीतख्यःया विकासया निंतिं छपला खः धका धासे थुके पलाः न्ह्याका वनेत सकसिया साथ मा धका धयादिल ।
 
ज्याझ्वलय् नेवाः भाय्या जक मखसे नेपाःया हे छम्ह अग्रज रंगकर्मि पवन जोशीं केबिएस लुभुयात चलचित्र विकासया ज्याय् मन क्वसायेका हःम्ह छम्ह न्हुम्ह अभियन्ता खः धका धासे नेवाः संकिपा व संगीतख्यःया निंतिं छम्ह ज्वमदुम्ह व्यक्तित्व धका धयादिल ।
 
अथेहेतुं नेपालभाषा म्युजिक भिडियोख्यःया न्हापांम्ह निर्देशक अग्रज सिने पत्रकार विजयरत्न असंबरें सालुगु गाचा छपु यइपुसेच्वंगु म्ये जुया पिदंथें छम छम नं लोकं ह्वायेमा धका भिंतुना दिसे नेवाः संगीत व संकिपाख्यलय् पिलूवःपिं न्हूपुस्ताया कलाकःमि पिनिगु पलाःयात च्वछाया दिल ।
 
ज्याझ्वलय् संसार्स अनलाइन मिडियाया क्रियटिभ डाईरेक्टर स्वतन्त्रसंसार महर्जनं संगीतख्यलय् बिस्कं सवाः दइगु म्ये  धका धासे नेवाः संगीत व संकिपाख्यःया विकासया उद्देश्य ज्वना हे थपिन्सं नेपालभाषा स्टार म्युजिक अवार्ड ग्वसाः ग्वया वया च्वनागु खँ कनादिल । "छम छम” म्येया म्येहालामि कृष्ण महर्जनं संगीतख्यलय् थःम्हं यानागु कुतः यात सकसिनं येकिगु विश्वास प्वंकादिल । थ्व म्येया लय् चिनामि राजेश शाक्य  खःसा बाजं ग्वसामि अनिल तुलाधर खः अले  च्वमि बालकृष्ण महर्जन खः ।
 
थुके जय रक सुशील महर्जन, रोजिशा महर्जन,सरोज महर्जन , रीना श्रेष्ठ व इशा थापा मगरयाया नापनापं विद्या मान नेमकुल व KBS lubhoo पिन्सं अभिनय यानादीगु दु । थुकिया पोस्ट प्रोडक्शन या सकतां ज्या लुभुं वेभ स्टुडियोस जुउगु खः । विजय मास्किं रेकर्डिंग यानादीगु थ्व म्येय् सेक्सोफोन वादनय् ज्वमदुम्ह अमर संगीतकार शुभबहादुरया सेक्सोफोन थानादीगु खः ।
 
 
Detail page ad