arin JS
Home page Ad

डब्ल्यु एन ओ या न्हूम्ह नायः बेलायतया संयुक्त श्रेष्ठ

Jheegu Sah – Bijay Ratna ,    २०७९ श्रावण २४, मंगलबार    वर्गीकृत अन्तर्राष्ट्रिय

       हलिमय् न्यंकभनं च्वना वया च्वंपिं नेवाः तयेगु मंका  संगठन वर्ल्ड नेवाः अर्गनाइजेशन (डब्लुएनओ) हलिं नेवा दबुया नायः कथं बेलायतया संयुक्त श्रेष्ठ निर्वाचित जुयादीगुदु ।संयुक्त श्रेष्ठ छुं ई न्ह्योेनिसेेंं च्वना वया च्वंम्ह ख । वयकलं नेपाःया न्हापांगु एनिमेशन संकिपा कथं शंखधरया बाखं दयेकादी धुंकलसा थौंकन्हे वयक मजिपा लाखे नांयागु एनिमेटेड संकिपा दयेकेगु ज्याय् तक्यना च्वना दीगु दु ।
 
अमेरिकाया न्यूयोर्कय् जुउगु प्यक्वगु महाअधिवेशनं नायः पदय् श्रेष्ठयात ल्यःगु खः । शुक्रबार सुरु जुउगु महाअधिवेशनया लिपांगु दिन खुन्हु  नवनिर्वाचित नायः संयुक्त श्रेष्ठयात निवर्तमान नायः सिजन श्रेष्ठं कार्यभार हस्तातरण याना दीगु खः ।
 
डब्लुएनओया न्हूगु ज्यासना पुचः ल्ययेगु निंतिं निस्वंगु निर्वाचन समितिया कजि लण्डनया शशि महाजुया नापनापं दुजलय् अमेरिकाया सरोज प्रजापति व नेपाःया सिल्भिया राजोपाध्याय पिन्सं न्हूज्यासना पुचःया नामय् निर्विरोध जुउगु घोषणा याःगु खः ।
 
न्हूगु ज्यासना पुचलय् वरिष्ठ न्वकु समिर महर्जन,मेपिं स्वम्ह न्वकु रजनी प्रधान, सामन्तश्री रत्न बज्राचार्य, कमल श्रेष्ठ, मूछ्यान्जे शोभित शाक्य, कार्यकारीणी दुजलय् नरेश शाक्य, रमेश मान मुनिकार, शैलेन्द्र मानन्धर, सुदय राज शिलाकार, सुरेन्द्रभक्त श्रेष्ठ, सुरेन्द्रमान  शाक्य,  दीपेश शाक्य व दीपक डंगोल निर्विरोध निर्वाचित जुयादीगु खः । झिछदँ न्ह्यः निस्वंगु डब्लुएनओ हलिं नेवाः दबुया न्हापा न्हापाया महाअधिवेशन बेलायत, बाल्टीमोर व नेपालय् जुउगु खः ।   
Detail page ad