arin JS
Home page Ad

झीगु सः या सम्पादकयात नातिकाजी पत्रकारिता सिरपा

Jheegu Sah – bishesh,    २०७९ बैशाख २०, मंगलबार    वर्गीकृत मनोरञ्जन

 
  संगीत महर्षीया रुपय् नांजाम्ह संगीतज्ञ नातीकाजी श्रेष्ठया बुदिंया लसताय् नातीकाजी स्मृति समाजपाखें  संगीत व कला क्षेत्रया थीथी व्यक्तित्वपिन्त नातिकाजी राष्ट्रिय सम्मान व पुरस्कार लःल्हागु दु ।
 
  नातिकाजी राष्ट्रिय सम्मान व पुरस्कार सम्मानननीय राष्ट्रपति विद्या देवी भण्डारीं  लःल्हानादीगु खः । संगीत व कलालिसे स्वापु दुपि मूक्कं नीच्याम्ह संगीत श्रष्टापिन्त सम्मान व सिरपा लःल्हागु उगु ज्याझ्वलय् वरिष्ठ कला पत्रकार विजयरत्न तुलाधर असंबरेयात नातिकाजी राष्ट्रिय कला पत्रकारिता पुरस्कार लःल्हागु खः ।
 
पत्रकार तुलाधर थ्व न्युज पोर्टल झीगु सः या सम्पादकया नापनापं नाइस टेलिभिजनय् न्ह्याना वया च्वंगु नेवाः ज्याझ्वः झीगु सः या निर्माता निर्देशक खः । अथेहेतुं वयक रेडियो नेशन १०३.९ य् न्ह्याना च्वंगु   रेडियो झीगु सः या नं हामा खः ।
 
नातिकाजी स्मृति समाजया ग्वसालय् सम्माननीय राष्ट्रपति विद्या भण्डारीपाखें लःल्हागु सम्मान व सिरपा ज्याझ्वलय् नातिकाजी स्मृति समाजया अध्यक्ष संगीतज्ञ शम्भुजित बासकोटाया सभानायसुइ जुउगु खःसा नेपाल प्रज्ञा प्रतिष्ठानया कुलपति गंगाप्रसाद उप्रेती विशेष अतिथीया रुपय् उपस्थित जुया दीगु खः । ज्याझ्वलय् नातिकाजी राष्ट्रिय विशिष्ट श्रष्टा सम्मान  गायन विधाय् नुपुर बनर्जी भट्टाचार्ययात लःल्हागु खः ।
 
अथेहेतुं नातिकाजी राष्ट्रिय विशेष संगीत सम्मान बिबी थापा (रचना), नारायणदास कार्की ढली (वाद्यवादन), शिला पन्त (रचना), सीताराम पोखरेल (गायन/रचना), प्रदीप उपाध्याय (साउन्ड इन्जिनियर), कुन्ती मोक्तान (गायन), प्रभु ढकाल (शास्त्रीय संगीत), हरिभक्त बुढाथोकी (रचना), राजकुमार श्रेष्ठ (अर्केस्ट्रा/संगीत), शीतल कादम्बिनी (रचना) व सहदेव ढुंगाना (रचना) यात बिउगु खः । थ्वहे झ्वल नातिकाजी राष्ट्रिय संगीत पुरस्कार अरुण तिवारी (रचना), सन्तोष श्रेष्ठ (संगीत), निशा देसार (गायन) र शिव परियार (गायन) , नातिकाजी राष्ट्रिय प्रतिभा पुरस्कार डिपी दाहाल (रचना), अर्जुन पोखरेल (संगीत), सिन्धु मल्ल (गायन), अजर जंगम (गायन) व नातिकाजी राष्ट्रिय शास्त्रीय संगीत पुरस्कार अमृतहिरा तुलाधर योगी (सितार) यात बिउगु खः । 
Detail page ad