arin JS
Home page Ad

जुजुभाइ तुलाधरया मन त्यासा काये धुंसेंलि पिदन

Jheegu Sah – bishesh,    २०७९ कार्तिक ३०, बुधबार    वर्गीकृत मनोरञ्जन

     नेपालभाषाया संगीतख्यलय् पिलूवःम्ह न्हूम्ह म्येहालामि जुजुभाइ तुलाधरया सलय् थ्वःगु हाकनं छपू न्हूगु म्येया म्युजिक भिडियो पिदंगु दु । "मन त्यासा काये धुंसेंलि” धका धागु थ्व म्येया च्वमि नं वयक तुलाधर थःहे खः ।
 
थ्वसिबें न्हापा म्येहालामि तुलाधरया "लक्का पत्थाया उमेर ” व " नीच्याम्ह बुद्ध” भजन म्ये पिदने धुंकुगु दु । येँया सिडिसि सिनेमा हलय् जूगु पितब्वज्याय् उमेरं ७५ दँ दुम्ह म्येहालामि तुलाधरया संगीतख्यलय् न्ह्यानावगु पलाःयात कया सकसिनं लसता प्वंकुगु खः ।
 
ज्याझ्वलय् नेपालभाषाया न्हापांम्ह म्युजिक भिडियो निर्देशक विजयरत्न असंबरें म्येहालामि तुलाधर उमेरं थकालि जूसां म्ये ल्याय्म्ह पुस्तायात ध्यानय् तया पिकागु यात च्वछाया दिसे "मन त्यासा काये धुंसेंलि” म्येया म्युजिक भिडियो ल्याय्म्हसु दु धका धयादिल ।
 
ज्याझ्वलय् नेपालभाषाया म्युजिक भिडियोख्यलय् ल्हान्ह्याम्ह नांजाम्ह निर्देशक रामकृष्ण खडगीं निर्देशक सुरेन्द्र तुलाधरया थ्व कुतः नं निर्देशक तुलाधरया मेमेगु म्युजिक भिडियो थेंहे बाँलागु खँ कनादिल ।
 
अथेहेतुं म्युजिक भिडियोख्यलय् युवा निर्देशक कथं न्ह्यनेलाना च्वंम्ह विश्वास बज्राचार्यं थ्व म्युजिक भिडियोलय् हिरोइन तयेत ग्लेमर्स रुपय् न्ह्यब्वयातगु खँया तारीफ यानादिल ।
 
म्येहालामि व म्येच्वमि जुजुभाइ तुलाधर व वयकया तिरिमय्जु मङ्गल लक्ष्मी तुलाधरया न्ह्यब्वया कथं पिहावःगु थ्व म्युजिक भिडियोया निर्देशक सुरेन्द्र तुलाधर खःसा सम्पादन निर्दशक तुलाधरं हे यानादीगु खः।
 
थ्व म्येयात  देवेन्द्र महर्जन व सुमन चित्रकार जाना खिंचे यानादीगु खःसा कृपा बज्राचार्यं हुलाप्याखं क्यनादीगु खः ।  थ्व म्येयाच भुपेन्द्र बज्राचार्यं लसय् हनादीगु खः । थुके निर्देशक सुरेन्द्र तुलाधरया नापनापं रुपेन्द्र श्रेष्ठ, भोगेन्द्र मानन्धर,राजु महर्जन, भिन्तुना जोशी, रोजिना सुवाल,रेमा श्रेष्ठ व सिर्जना प्रधानपिन्सं म्हितातःगु दु ।
 
म्ये स्वयेत थन क्लिक याना दिसँ
 
Detail page ad