arin JS
Home page Ad

जनबहाःया दबुलिइ प्यंगःथांया झ्वाता धस्वाकल

Jheegu Sah – Bijay Ratna ,    २०७९ आषाढ ३२, शनिबार    वर्गीकृत समाज

जनबहाःया नासः दबुलिइ भाषानिभाः प्रेम बहादुर कसाः व नेपालभाषा प्यगः थांया झ्वाता धस्वाका उलेज्या जुगु दु ।
 
येँ महानगरपालिका व बागमती प्रदेशया बागमती प्रदेश खानेपानी, सिचाइँ तथा उर्जा मन्त्री माननीय बसन्त मानन्धरया ग्वाहालिइ केलत्वाःया दबूलिं थथे झ्वाता पलिस्था यानाः  शनिवाः उलेज्या जुगु खः । नेपालभाषाया प्यगः थां छसि कथं गद्य गूरु पण्डित निष्ठानन्द बज्राचार्य , महाकवि सिद्धिदास महाजु, मास्टर जगत सुन्दर मल्ल, कवि योगबीर कसाः व भाषानिभाः प्रेम बहादुर कसाःया झ्वाता जनबहाःया केलत्वाःया नासः दबुलिइ तःगु खः ।
 
उगु झ्वाताया उलेज्या छसि कथं नेपाली कांग्रेसया बरिष्ठ नेता लिसें पुलाम्ह उप प्रधानमन्त्री प्रकाशमान सिं, नेपालभाषा मंका खलःया नायः जनकवि दुर्गालाल श्रेष्ठ, बागमती प्रदेशया बागमती प्रदेश खानेपानी, सिचाइँ तथा उर्जा मन्त्री माननीय बसन्त मानन्धर, येँ महानगरपालिकाया पुलांम्ह मेयर बिद्यासुन्दर शाक्य व येँ महागरपालिका २५वडाया पुलाम्ह वडा अध्यक्ष नीलकाजी शाक्य पिन्सं यानादिगु खः ।  पवित्र कसां नं न्ह्याकादिगु उगु ज्याझ्वः नासः दबूजीर्णेद्धार समितिया ग्वसालय् जुगु खः । 
Detail page ad